СОЛОНГОС-МОНГОЛ ХӨРӨНГӨ ОРУУЛАЛТ, ТЕХНОЛОГИЙН ХАМТЫН АЖИЛЛАГАА УУЛЗАЛТАД ЗАХИРЛУУДЫГ УРЬЖЭЭ

БНСУ-ын Инчонь хотноо ирэх оны хоёрдугаар сарын 9-15-ны өдрүүдэд "2025 Солонгос-Монгол хөрөнгө оруулалт, технологийн хамтын ажиллагаа 1:1 Business meeting" зохион байгуулагдана.

Хөрөнгө оруулалт, технологи, ижил салбарын гадаадын хамтрах зорилготой захирлуудыг уг үйл ажиллагаанд оролцохыг урьж байгаа аж. Тус үйл ажиллагаанд оролцохыг хүсвэл https://wemeet.mn хаягаар ирэх оны нэгдүгээр сарын 15-ны өдрийг дуустал бүртгэх юм байна. Түүнчлэн цахим бүртгэлтэй оролцогчдын визтэй холбоотой нэмэлт материалыг МҮХАҮТ-д ирэх оны нэгдүгээр сарын 16-24-ний өдрийг дуустал хүлээн авах ажээ. 

Тус арга хэмжээнд 

• Барилга
• Мэдээлэл технологи
• Геологи, уул уурхай
• Хүнс,ХАА
• Эрүүл мэнд
• Зам, тээвэр
• Банк, банк бус
• Аялал жуучлал гэсэн 2 улсын 8 салбар дахь захирлууд, хөрөнгө оруулагчдаас гадна хөрөнгө оруулалтын сангууд оролцоно.