Сингапурт болсон Шатрын дэлхийн аварга цолны төлөөх халз тоглолтын 14 дэх өрөгт өнөөдөр /2024.12.12/ Энэтхэгийн шатарчин Доммаражу Гукеш Хятадын их мастер, өмнөх дэлхийн аварга Дин Лижэнийг хожиж, Дэлхийн хамгийн залуу шатрын аварга боллоо.
14 дэх өргийн 54 дэх нүүдэл хүртэл хоёр тамирчин эн тэнцүү өрсөлдөж байсан ч Дин Лижэнь 55 дахь нүүдэлд томоохон алдаа гаргаснаар цаашид ялагдал хүлээсэн байна. Энэтхэгийн шатарчин Доммаражу Гукеш 18 насандаа Дэлхийн 18 дахь шатрын аварга болж байгаагаараа онцлог юм. Доммаражу Гукеш хожлоо авмагц өөрийн эрхгүй нүднээсээ нулимс унагажээ. Тэрбээр өрсөлдөгчдөө талархал илэрхийлээд энэ бол миний карьерын эхлэл, намайг урт удаан амжилт хүлээж байгаа гэж хэлсэн байна.
Сэтгэгдэл (0)
Сэтгэгдэл бичигдээгүй байна