"Монголын худалдаа, хөрөнгө оруулалт, өв соёлын өдрүүд-2024" арга хэмжээний нээлт АНУ-ын Нью-Йорк хотод Монголын жижиг, дунд үйлдвэрлэгчдийн бүтээгдэхүүний нэгдсэн үзэсгэлэнгээр "MONGOLIAN GALLERY" дэлгүүрт эхэллээ.
АНУ-д ес дэхь жилдээ болж буй уг арга хэмжээг Жижиг, дунд үйлдвэрийн газар, Экспорт олон улсын худалдааны төвтэй хамтран зохион байгуулж байгаа юм.
Жижиг, дунд үйлдвэрийн газраас цаашдаа тус арга хэмжээг өргөжүүлэх зорилгоор Соёл, спорт, аялал жуулчлал, залуучуудын яам болон бусад байгууллагатай хамтарч зохион байгуулах саналаа хүргүүлээд байгаа аж.
Монгол Улсын гадаад бодлого "нэг цонхоор" явах ёстой, төрийн байгууллагууд тус тусдаа гадаадын улс орнуудад жижиг үзэсгэлэн зохион байгуулах бус, нэгдэж нийлээд нэг бодлогоор, өргөн хэмжээнд үйл ажиллагаагаа зохион байгуулахыг уриалж, ийнхүү санал тавьсан байна.
Арга хэмжээний хүрээнд үзэсгэлэн, бизнес форум, уулзалт 2024 оны 10 дугаар сарын 15-20-ны өдрүүдэд "WORLD TRADE CENTER"-т болох юм.
Сэтгэгдэл (0)
Сэтгэгдэл бичигдээгүй байна