Жижиг, дунд үйлдвэрийн газрын дарга Я.Эрдэнэсайхан АНУ-ын Потомакийн их сургуулийн ерөнхийлөгч Андреа Кемп-Куртис тэргүүтэй төлөөлөгчдийг хүлээн авч уулзаж, хамтын ажиллагааны санамж бичиг байгуулан гарын үсэг зуржээ.
Талууд цаашдын хамтын ажиллагааны талаар хэлэлцэж, жижиг, дунд үйлдвэрийн салбарын бодлого боловсруулагчид, бизнес эрхлэгчдийг чадавхижуулах тусгайлсан хөтөлбөр хэрэгжүүлэх, бизнесийн өсөлтийн стратеги, жижиг, дунд үйлдвэрлэлд тулгарч буй сорилтын талаар хамтарсан судалгаа хийх, сургалт, семинар, бага хурлыг хамтран зохион байгуулах зэрэг өргөн хүрээтэй үйл ажиллагааг хамтран зохион байгуулах талаар санамж бичигт тусгасан байна.
Мөн манай төлөөлөгчид 2024 оны аравдугаар сарын 15-20-нд АНУ-ын Нью-Иорк хотноо болох “Монголын өдрүүд 2024” үзэсгэлэнгийн үеэр тус сургуульд зочлохоор тохиролцжээ.
Уулзалтад Жижиг, дунд үйлдвэрийн газрын Зээл, төслийн хэлтсийн дарга Н.Энхтөр, Хамтын ажиллагааны мэргэжилтэн Д.Балжинням, АНУ-ын Потомакийн их сургуулийн Сургалтын албаны декан доктор, профессор Сергей Андроников, Олон улсын харилцаа хариуцсан захирал Росанна Депинто, Олон улсын оюутны элсэлт, үйлчилгээ хариуцсан захирал Б.Мөнхзул нар оролцсон байна.
Сэтгэгдэл (0)
Сэтгэгдэл бичигдээгүй байна