Жижиг, дунд үйлдвэрийг хөгжүүлэх сангаас 2024 онд зээл авсан Улаанбаатар хотын 22 аж ахуйн нэгжийн удирдлагуудад зориулан “Бүтээлч сео 4” хөтөлбөрийг амжилттай хэрэгжүүлж, батламжийг гардуулан өгөв.
Засгийн газрын хэрэгжүүлэгч агентлаг Жижиг дунд үйлдвэрийн газраас АНУ-ын Олон Улсын Хөгжлийн Агентлаг USAID-н санхүүжилттэй "Хөгжлийн шийдэл" ТББ-ын хэрэгжүүлж буй BEST хөтөлбөртэй хамтран дээрх хөтөлбөрийг хэрэгжүүлсэн байна.
Гурван сар үргэлжилсэн хөтөлбөр нь Компанийн засаглал, Үйлдвэрлэлийн менежмент, Маркетинг, Хүний нөөц, Санхүүгийн удирдлага зэрэг сэдвийн хүрээнд бизнесүүдэд бүтээгдэхүүн, үйлчилгээнийхээ үнэ цэнийг тодорхойлж, бизнесээ дахин загварчилж, борлуулалтыг нэмэгдүүлэх замаар бизнесийн тогтвортой байдал, өсөлтийг дэмжих, өрсөлдөх чадварыг дээшлүүлэх чадамжийг олгожээ.
Жижиг, дунд үйлдвэрийн газрын дарга Я.Эрдэнэсайхан, Зээл төслийн хэлтсийн дарга Н.Энхтөр болон албаны бусад хүмүүс хөтөлбөрт амжилттай хамрагдсан аж ахуйн нэгжүүдэд батламж гардуулан хөтөлбөрийн талаар санал солилцож цаашдын ажилд нь амжилт хүслээ.
Сэтгэгдэл (0)
Сэтгэгдэл бичигдээгүй байна