Криштиано Роналдо 40+ насандаа хөлбөмбөгөө мэргэжлийн өндөр түвшинд тоглох боломжийн тухай юу бодож буйгаа ярьжээ.
“Пепе гэхэд 41 настайдаа тоглож л байлаа. Бид Евро2024-д нэмэлт хоёр үе сунгаж тоглосноосоо хойш 4 хоногийн дараа дахиад нэмэлт хоёр үе тоглосон шүү дээ. Гэвч хүмүүс үүнийг нэг их анзаарч, үнэлдэггүй юм.
Харин юу гэж асуудаг гээч? “Чи яагаад өдий хүртэл тоглоод байдаг юм бэ?” гэнэ. Одоо тэгээд ингэж байгаа хүмүүст юу хэлэх вэ дээ. Үүнээс өмнө би Гүржийн эсрэг бас 60 минут тоглочихсон байсныг санах хэрэгтэй.
Удаан хугацааны турш тоглоно гэдэг бол сэтгэл санаанаас шалтгаалах зүйл. Тодорхой насны босгыг даваад ирэхээр бие биш харин сэтгэлзүй бүхнийг шийдэж эхэлдэг. Хүний бие организм өөрийн гэсэн санах ой, үнэлэмжтэй гэж хэлж болно.
10-15 жилийн турш биеэ арчилж, үргэлж бэлтгэлтэй байвал бие чинь эргээд хүндэлж, хөдөлсөөр байх болно. Харин дараа нь сэтгэлзүй бүхнийг шийднэ. Дахиад 4-5 жил тоглох уу, яах вэ гэдгийг шийднэ.
Ер нь спортын дийлэнх төрөлд 30-40 насандаа тамирчид замналаа өндөрлүүлдэг. Теннис, Формула 1, хөлбөмбөг гээд... Энэ насанд тестостериний хэмжээ буурдаг. Цаанаасаа хүний биологийн үйл ажиллагаа иймээс хойш яая гэхэв. Харин Пепе бид хоёрын хувьд бол олон жилийн турш биеэ маш сайн анхаарч ажилласны л үр шимээ хүртсэн” хэмээн Роналдо өгүүлсэн байна
Сэтгэгдэл (0)
Сэтгэгдэл бичигдээгүй байна