ЖДҮХС-ИЙН ТӨСӨЛ СОНГОН ШАЛГАРУУЛАХ ХОРООНЫ ХУРАЛ БОЛОВ

Жижиг дунд үйлдвэрийг хөгжүүлэх сангаас Загвар хоршоо,  Жимс,  жимсгэний аж ахуй,  Зөгийн  кластер байгуулахад зээлийн дэмжлэг үзүүлэх төсөл  сонгон шалгаруулалтын хорооны хурал өнөөдөр /2024.06.24/ боллоо.

Уг хурлаар  ХХААХҮСайдын тушаалуудаар батлагдсан нийт 7,3 тэрбум төгрөгийн эх үүсвэрт багтах 10,9 тэрбум төгрөгийн 75 хүсэлтээс хорооны шатанд тэнцсэн 3,7 тэрбум төгрөгийн 24 аж ахуйн нэгжийн үнэлгээг хийв.

Хурал  хэлэлцүүлэх төслүүдийг салбар, чиглэлээр  авч үзвэл

• Хөдөө аж ахуйн загвар хоршоо  10     
• Жимс, жимсгэний аж ахуй байгуулах   10     
• Зөгийн аж ахуйн кластер байгуулах     4   байна.

ХХААХҮ-ийн сайдын 2024 оны тушаалуудаар Жижиг, дунд үйлдвэрийг хөгжүүлэх сангаас хөнгөлөлттэй зээл олгоход нийт 7,3 тэрбум төгрөгийн эх үүсвэрийг баталжээ. Үүнд:

• Зах зээл ба  бэлчээрийн  удирдлага төслөөс Загвар хоршоонд – 4,2 тэрбум төгрөг
• Хүнсний хангамж аюулгүй байдлыг  хангах зарим арга хэмжээний хүрээнд Жимс,  жимсгэний төрөлжсөн аж ахуйд – 2,8 тэрбум төгрөг
• Хүнсний хангамж аюулгүй байдлыг  хангах зарим арга хэмжээний хүрээнд Зөгийн аж ахуйн кластер байгуулахад – 270,0 сая төгрөгийг тус тус баталсан юм.

  

Хөдөө аж ахуйн  загвар  хоршооны зээлд 4,9 тэрбум төгрөгийн 26 төсөл,  Жимс, жимсгэний аж ахуй байгуулах зээлд 5,4 тэрбум төгрөгийн 44 төсөл, Зөгийн аж ахуйн кластер байгуулах зээлд 652,8 сая төгрөгийн 5 төсөл хүсэлтээ ирүүлжээ.

Журамд заасны дагуу сонгон шалгаруулалтыг 4 үе шаттайгаар зохион байгуулсан бөгөөд нэгдүгээр шатанд төслийн  иж бүрдлийг, хоёрдугаар шатанд төсөлд тавигдах шаардлагыг, гуравдугаар шатанд төслийн газар дээрх үнэлгээг хийж,  хууль,  журмын  шаардлага хангасан  төслүүдийг ТСШХ-ны хуралд  оролцуулдаг.