ЖДҮ ЗЭЭЛД ХАМРАГДСАН 70 ААН ҮЗЭСГЭЛЭНД ОРОЛЦОЖ БАЙНА

-НЭГ СУУРИН - НЭГ БҮТЭЭГДЭХҮҮН -

Төв талбайд энэ ням гариг /2024.06.16/-ийг хүртэл үргэлжлэх “БИЧИЛ, ЖИЖИГ, ДУНД ҮЙЛДВЭР, ҮЙЛЧИЛГЭЭ ЭРХЛЭГЧДИЙН ӨДӨР 2024” үзэсгэлэн, худалдааг зорин очигсдын хөл тасрахгүй байна.

Үзэсгэлэн худалдаанд нийслэл, орон нутгийн 300 гаруй үйлдвэрлэгчид 10 мянга орчим бараа бүтээгдэхүүнээ дэлгэжээ.

Нэг суурин-Нэг бүтээгдэхүүн аяны хүрээнд 21 аймгийн онцлох бүтээгдэхүүн тавигдсан байна. Мөн Жижиг дунд үйлдвэрлэлийг хөгжүүлэх сангийн хөнгөлөлттэй зээлд хамрагдсан 70 орчим аж ахуйн нэгж өөрийн бүтээгдэхүүнээ дэлгэжээ.

Иргэд уламжлалт органик хүнс, эрүүл мэндэд хэрэгцээтэй бүтээгдэхүүн, наадмын гоёо болох дээл хувцас гэх мэт зүйлсийг түлхүү сонирхож байгаа бөгөөд гадаадын жуулчид ч олноор зорьж ирж байгаа ажээ.