ХХААХҮ-ийн сайдын тушаалаар Баянхонгор аймагт Жижиг дунд үйлдвэрийг хөгжүүлэх сангийн зээлийн эргэн төлөлтийн эх үүсвэрээс 1,1 тэрбум төгрөгийн эх үүсвэрийг баталсан.
Хөнгөлөлттэй зээлийн хүсэлтийг Жижиг дунд үйлдвэрийн газар 2024 оны нэгдүгээр сарын 24-нөөс хоёрдугаар сарын 23-ны хооронд цахимаар хүлээн авахад тус аймагт нийт 2,2 тэрбум төгрөгийн 19 төсөл хүсэлт ирүүлжээ.
“Жижиг, дунд үйлдвэрийг хөгжүүлэх сангаас хөнгөлөлттэй зээл олгох, сонгон шалгаруулах, дамжуулан зээлдүүлэх, эргэн төлүүлэх, хяналт тавих журам"-ын дагуу Баянхонгор аймагт төсөл сонгон шалгаруулалтын гуравдугаар шат буюу нарийвчилсан судалгааны шатанд 1 тэрбум төгрөгийн санхүүжилт бүхий 9 төсөлд үнэлгээ хийлээ.
Мөн ХХААХҮ-ийн сайдын тушаалаар батлагдсан Загвар хоршоонд дэмжлэг үзүүлэх төсөлд нийт 4,9 тэрбум төгрөгийн 26 төсөл хүсэлт ирүүлснээс Баянхонгор аймагт 290 сая төгрөгийн санхүүжилт бүхий 1 төсөл нарийвчилсан судалгааны шатанд шалгарч үлджээ.
Сэтгэгдэл (0)
Сэтгэгдэл бичигдээгүй байна