27 настай колумб тоглогч Луис Диас энэ улиралд Английн “Ливерпүүл”-ийн төлөө адтай сайн тоглож байгаа. Аав нь гэмт этгээдүүдэд барьцаалагдаж 10 гаруй хоноход нутаг буцалгүй Англид үлдээд гоолоо оруулж л явсан.
Премьер лигийн энэ улиралд л гэхэд 30 тоглолтод гарахдаа 8 гоол, 4 гоолын дамжуулалт тэмдэглүүлсэн нь ямар чанартай байгааг нь илтгэнэ. Тиймээс ч Францын “Парис Сэн Жэрмэйн” ирэх зун авах гэнэ ээ гэх цуу яриа дэгдээдэхэв. Нөгөө барьцаалагдсан аав нь ч суллагдаж гарч ирээд “Миний хүү Испанид тоглохыг багаасаа мөрөөдсөн” гээд давхар утгатай үг чулуудаад амжив. Энэ мэтээр Луис Диас ирэх зун явчих ч юм шиг нөхцөл байдал үүсэх шинжтэй.
Тэгвэл Луис Диас “Ливерпүүл”-д үнэнч гэдгээ батлахыг хүсч буйгаа агентаараа дамжуулан клубынхээ удирдлагад дуулгахын зэрэгцээ далимд нь цалингаа жаахан нэмчихвэл болоод явчихна гэсэн утга цухалзуулжээ. Хэдийгээр өмнө нь гурван жилийн гэрээ зурайж байгаа ч “Ливерпүүл” ч сайн тоглож буй тоглогчоо сайжруулсан гэрээгээр шагнахаас татгалзахгүй бололтой.
Гэхдээ дасгалжуулагч нь явахаа зарлачихсан, Виржил Ван Дейк, Трент Александер-Арнольд гээд багийнхаа гол тоглогчдын богино хугацаа үлдсэн гэрээг сунгаж чадахгүй байхад Луис Диасын цалингаа нэмүүлэхийг хүссэн арга хэлбэр, янз байдал нь клубын удирдлагад таалагдаагүй гэнэ.
Сэтгэгдэл (0)
Сэтгэгдэл бичигдээгүй байна