Энэ жил нь луугийн галт давалгаа могойн хүйтэн цустай арга тактиктай "учрах" үе юм. Энэхүү тод ялгаа нь зориг мэргэн ухаантай, эмх замбараагүй байдал ач ивээлтэй “таарах” нөхцөл байдлыг бий болно. Маш өөр эдгээр энерги нийлж чадах болов уу гэсэн асуултад тэнцвэртэй байдлыг олох хэрэгтэй гэсэн хариулт зохицно.
Луугийн хувьд энэ жил олон талт адал явдлын үе байна. Үл мэдэгдэх зүйлс рүү нэвтрэх үүд хаалга нээгдэж, санаанд оромгүй сорилт бэрхшээл, сэтгэл хөдөлгөм үйл явдлууд, толгой эргэм боломжууд тосно. Амжилтад хүргэх зүйл нь зөвхөн хүч хэрэглэх биш, гүн гүнзгий харах чадвар байх болно гэдгийг анхааруулъя. Хамгийн гол нь өмнө нь зөвхөн чимээ сонссон газраа боломжийг олж харж, цагаа олж алхам хийх хэрэгтэй.
Хайр дурлал: Хүсэл тэмүүлэл, нууцлаг чадварын урлаг
Хайр дурлалын хувьд романтик хэдий ч “могой”-н өөрийн гэсэн өвөрмөц аялгуутай байх нь. Модон могой танд хүчтэй дур хүсэл, шулуун үгсээ нууцлаг, эелдэг зөөлөн сонирхолтой болгон хувиргах хэрэгтэйг ойлгуулах болно.
Ганцаардсан лууд могой жил тактикаа өөрчлөхийг зөвлөж байна. Сүрлэг дохио зангаатай байхаа өөрчилсөн нь зөв бөгөөд энэ жил та хайр дурлалын стратегич болно. Таны нууцлаг, тэвчээртэй байдал, магтаж сайшаах чадвар тань хайрын талбарт ялалт авчрах гол зүйл болно. Хүмүүс өөрсдөө тан руу хүрч ирэхийг хүлээгээрэй.
Хостой хүмүүсийн хувьд энэ жил мэдрэмжээ сэргээх боломж олдоно. Хамтрагчдаа мартагдашгүй, гэнэтийн бүтээлч сонирхолтой адал явдлаар бэлэг бариарай. Нарийн ширийн зүйлүүдэд анхаарал хандуулж, шинэ зүйл турших нь хүсэл тэмүүлэл асахад хэрэг болно.
Хайр дурлалын хувьд хамгийн гол нь сонирхолтой, уян хатан байхыг зөвлөе. Мэдрэмжээ сайтар ашиглавал амжилт зайлшгүй ирнэ. Тодорхой сорилт тулгарах магадлалтай ч дарамт шахалтгүй чин сэтгэл, жүжиггүй хүсэл тэмүүлэл зэрэг шинэ зүйлийг могой жил танд сургана.
Ажил мэргэжил: Нөхцөл байдлыг ажиглаж, дүн шинжилгээ хийх
Өнгөрсөн жилүүдэд луунууд аянга цахилгаан мэт түргэнээр амжилтад хүрч чадсан бол энэ удаад өөр арга барилыг санал болгож байна. Могой таныг болгоомжтой үйлдэж, нөхцөл байдлыг ажиглаж, дүн шинжилгээ хийхийг зөвлөж байна. Хүлээж, эргэцүүлсний эцэст яг тодорхой алхам хийх жил эхэлж байна.
Эхэндээ боломж өчүүхэн, эсвэл үр дүнгүй мэт санагдаж болох ч та эдгээр элементүүдээс амжилтын хүчирхэг дүр зургийг олж авах болно. Анхааралгүйгээр урагш яарах хэрэггүй, нарийн ширийн зүйлүүдэд анхаарал тавих нь таны амжилтад хүрэх хүч болно. Үүнд бага зэрэг стратеги нэмбэл үр дүн нь хүсэн хүлээж байснаас илүү байх болно.
Бүх зүйлийг барьж авах зуршлаа өөрчлөхийг зөвлөе. Бусад хүмүүс харж чадахгүй газарт ирээдүйг олж харах тэвчээр, чадвар тань та нарын хүч байх болно. Ололт амжилт тань эргэн тойрны хүмүүст чинь гэнэтийн мэт санагдаж л байг.
Санхүүгийн байдал: Мөнгө нам гүм байдал бас стратегид дуртай
Санхүүгийн байдал могойн хичээлийг хэр зэрэг өөрийн болгохоос тань шалтгаална. Түргэн зангаа өнгөрсөн үед орхиж, хоромхон зуурын худалдан авалт, гэнэтийн хөрөнгө оруулалт, бүх зүйлийг нэгэн зэрэг хийхийг оролддогоосоо татгалз. Санхүүгээ хянах чадвараа алдахгүй байхыг зөвлөж байна.
Өмнө нь анзаараагүй газраасаа орлого олохыг оролдоод үз. Найдвартай төсөл эсвэл урт хугацааны зорилтууддаа хөрөнгө оруул. Энэ нь ялалтад аажим хүргэх хэдий ч тогтвортой байдал руу хөтлөх зам юм.
Жилийн гол дүрэм нь мөнгө тайван, хэрсүү хүмүүст дуртайг бүү мартаарай. Эрсдэл хүлээлгүйгээр нөөц боломжоо нэмэгдүүлэхэд эрч хүч зарцуулахыг зөвлөе. Туулай болгоны араас гүйлгүй тэвчээртэйгээр ан хийвэл ашигтай байх болно.
Луу ба могой: Амжилтын хувилбар
Могой жил луугийн хувьд төгс сургууль эзэмших үе байна. Зоригийг мэргэн ухаантай, хурдыг тэсвэр хатуужилтай, хүслээ тооцоотой хослуулах хэрэгтэй. Хүч чадлаа зохицуулж сурсан хүмүүсийн хувьд энэ жил нээлт, ялалт, ололт амжилтаар дүүрэн байна.
Орчлон ертөнц танд уян хатан байхыг зөвлөж байна. Луу сурах чадвараа ашиглаж хүчээ нэмэгдүүлдэг. Энэ жил танд үүнийгээ нотлох боломжийг олгоно.
Сорилт бэрхшээлийг хүлээн авч, дасан зохицохыг одод зөвлөж байна. Зориг, мэргэн ухааныг хослуулж, олон талт чадвараа харуулснаар олон жилийн турш ул мөрөө үлдээх ялалт байгуулах замд хөтлөх болно.
Сэтгэгдэл (0)
Сэтгэгдэл бичигдээгүй байна