Хавдар судлалын үндэсний төв элэг шилжүүлэн суулгах мэс засалд донорын баруун элгийг дурангийн аргаар тайрах технологийг нутагшуулахаар 2024 оноос бэлтгэж эхэлсэн бөгөөд анхны хагалгаагаа өчигдөр /2025.02.10/ амжилттай хийжээ.
Эрүүл байж, бусдад амьдрал бэлэглэж буй донорын элгийг хөнөөл багатай дурангийн аргаар тайрч авснаар донор хагалгааны дараа богино хугацаанд илаарших, биед үүсэх шархны хэмжээ жижиг болж, гоо сайхны хувьд хохирол бага байх боломж бүрдэж байна.
Тус төвд хийгдэж буй анхны мэс заслыг БНСУ-ын Элэг шилжүүлэн суулгах нийгэмлэгийн ерөнхийлөгч, Сөүлийн Их Сургуулийн Эмнэлгийн зөвлөх эмч, Жонс Хопкинсийн их сургуулийн эмнэлгийн Элэг шилжүүлэн суулгах мэс заслын зөвлөх эмч, Амьд донороос элэг шилжүүлэн суулгах олон улсын багийн (ILDLTG) ерөнхий нарийн бичгийн дарга Профессор Kwang Woong Lee ахлан БНСУ-ын Сөүлийн Их Сургуулийн эмнэлгийн мэс заслын зөвлөх профессор Kwang Woong Lee, профессор Kim Jae Yoon, мэс заслын сувилагч Shin Eun Hye нарын бүрэлдэхүүнтэй баг хамтран хийж зөвлөн тусалсан байна.
Цаашид уг мэс заслыг бүрэн нутагшуулах зорилгоор Хавдар судлалын үндэсний төв нь БНСУ-ын Сөүлийн Их Сургуулийн Эмнэлэгтэй хамтран ажиллах санамж бичгийг байгуулжээ.
Сэтгэгдэл (1)