АХМАД НАСТНУУДАД 17 ТӨРЛИЙН ҮЗЛЭГ ОНОШИЛГООГ НАРИЙН МЭРГЭЖЛИЙН ЭМЧ НАР ХИЙНЭ

Эрүүл мэндийн сайдын санаачилгаар хоёрдугаар сарыг “Ахмад настны эрүүл мэндийг дэмжих сар” болгож нарийн мэргэжлийн 17 төрлийн урьдчилан сэргийлэх, эрт илрүүлэх үзлэг, оношилгоог дүүргийн Эрүүл мэндийн төвүүдэд эхлүүлжээ. Энэ хүрээнд өчигдөр /2025.02.01/ Хан-Уул дүүргийн Эрүүл мэндийн төвд 180 орчим ахмад настанг урьдчилан сэргийлэх, эрт илрүүлэх үзлэг оношилгоонд хамруулсан байна. Цаашид  бүх дүүргүүдэд уг үзлэг оношилгоо хийгдэнэ. 

Улсын нэг, хоёр, гуравдугаар төв эмнэлэг, СЭМҮТ, АШУҮИС-ийн нүүр ам судлалын нарийн мэргэжлийн эмч, мэргэжилтнүүд баг болон ажиллаж үзлэг, оношилгоог хийх юм. Үүнд:

• Дотоод шүүрэл булчирхай 
• Мэдрэл судлал 
• Мэдрэлийн мэс засал 
• Сэтгэц судлал 
• Уушиг, харшил 
• Хэвлийн эхо 
• Ходоодны дуран 
• Хоол боловсруулах зам 
• Хэрх үе судлал 
• Хавдар судлал 
• Хэвлийн эхо
• Зүрх судас 
• Зүрхний эхо 
• Зүрхний цахилгаан бичлэг 
• Бөөр, бөөрний мэс заслын үзлэг 
• Чих хамар хоолой
• Нүд
• Зүрхний эхо 
• Үений мэс засал 
• Бүдүүн шулуун гэдэс 
• Амны хөндий багтаж байна.