Халдварт өвчин судлалын үндэсний төвөөс өнөөдөр /2025.02.02/ мэдээлэл хийлээ.
Он гарснаас хойш менингококкт халдварын 3 сэжигтэй тохиолдол бүртгэгдсэн. Үүнээс нэг тохиолдол нь батлагдсан. Энэ нь Налайх дүүрэгт 3 настай хүүхэд өвдөж, эндсэн.
Баянгол, Баянзүрх дүүрэгт 2 сэжигтэй тохиолдол бүртгэгдсэн бөгөөд одоогоор шинжилгээний хариу гараагүй байна. Шинжилгээний хариу гарах сүүлийн хугацаа хоёрдугаар сарын 4, 6-н гэлээ.
Менингококкт халдвар тархалтын хувьд тийм өргөн хүрээтэй биш байдаг, учир нь 1 метрээс ойр харилцсан хүн л халдвар авах магадлалтай. Ингэж сэрэмжлүүлээд байгаа учир нь өвчний хүндрэл маш хурдацтай явагддаг, эндэгдэл их байдаг. Дархлаа дутмагшилтай хүмүүс, хүүхдүүд, ахмад настнууд нэн хүндээр өвдөх эрсдэл өндөр байдаг гэв. Мөн 2025, 2026 онд дэгдэлтийн цикл таарч байгаа талаар хэллээ.
Гадуур цахим орчинд хүүхэд өвдлөө гэх мэдээлэл яваад байгаад анхааралтай хандахыг мөн зөвлөлөө.
Сэтгэгдэл (0)
Сэтгэгдэл бичигдээгүй байна