Орхон аймгийн иргэдэд хавдрын оношилгоо, эмчилгээг ойртуулах Хавдрын оношилгоо эмчилгээ, хяналт сэргийлэлтийн төв байгуулахаар аймгийн засаг даргын мөрийн хөтөлбөрт тусгагдсан. Энэхүү төвд ажиллах хүний нөөцөө бэлтгэх, хавдрын төв байгуулах их засварт шаардлагатай 350 сая төгрөгийг тус аймаг 2025 оны орон нутгийн төсөвтөө тусгажээ. Энэ зорилтын хүрээнд Эрүүл мэндийн яамнаас дэмжлэг болгож 373 сая төгрөгийн үнэ бүхий эд, эсийн шинжилгээ авах 10 нэр төрлийн тоног төхөөрөмжийг нийлүүлэх юм байна. Тус аймагт хорт хавдартай 1500 иргэн хяналтад байдаг бөгөөд жилд эдгээр иргэдийн 130 орчим нь нас барж, 300 орчим иргэн энэ өвчнөөр оношлогддог гэсэн судалгааг гаргажээ.Тиймээс эхний ээлжинд хорт хавдрын тэргүүлэх өвчлөл болоод байгаа элэг, ходоод, хөхний хорт хавдрын тусламж үйлчилгээг орон нутагтаа үзүүлж эхлэх юм байна. Цаашлаад хавдрын тусламж үйлчилгээний нэр төрлийг нэмэгдүүлж хойд бүсийн хэмжээнд иргэдэд үйлчлэх зорилтыг тавин ажиллаж эхэлсэн байна.
Сэтгэгдэл (0)
Сэтгэгдэл бичигдээгүй байна