“БҮСГҮЙ” КИНОНЫ ГОЛ ДҮРИЙН ЖҮЖИГЧИН Г.АРИУНБОЛОР АЗИЙН МИСС БОЛЖ БАЙЖЭЭ

Эрхлээд ханадаггүй зүрхийг чинь яалтай

Энхрий цайлган бүсгүй минь

Энгэрийн чинь үнэрийг мартаж чадамгүй

Энэ л насаараа би үгүйлж явах нь дээ

Зүрх сэтгэлээс урсах мэт, хөг аялгууд нь бүхэлдээ  уусах мэт энэ дууны үг , ая олны дунд хит болж, ардын дуу мэт амьдарсан нь дуучиндаа үг, аяыг бүтээсэн авьяастнуудад  цаашлаад бодит амьдралаас сэдэвлэсэндээ байдаг болов уу. Мөн Хурдын он жилүүдэд хамгийн ихээр цойлсон хит бүтээлүүдийн нэг  нь “Бүсгүй” дуу байлаа. Тиймдээ ч “Хурд” хамтлагийн  тоглолт болох бүрт Төв цэнгэлдэх даяараа, Соёлын төв өргөө тэр чигээрээ  дуучин Цогоог “Бүсгүй”дуугаа эхлэх тэр мөчөөс олны түрлэгээр амьсгалдаг байв. Энэ дуу жил улирах тутам шижир мэт үнэ цэнэтэй хэвээр байсан төдийгүй бүрэн хэмжээний кино болсон байна. “Хурд” хамтлаг 30 жилийнхээ ойг угтан  тус дуунаас сэдэвлэсэн “Бүсгүй” киногоо маргаашаас эхлэн бүх кино театруудаар үзэгчдийн хүртээл болгох гэнэ. 

Тус киноны гол дүрийн жүжигчин С.Ариунбямба нь Монгол Улсын гавьяат жүжигчин Ч.Сүхээгийн хүү бөгөөд “Ларьдма” киноны архичин нөхрийн дүр, “Луйвар” киноны Амараа,,”Ану хатан” киноны Данжила дүрээрээ олны танил болсон бол гол дүрийн эмэгтэй болох Мөнхгэрэлийн дүрд залуу жүжигчин Г. Ариунболор тогложээ.  Тэрбээр “Хохирогч” олон ангит кино болон 2013 онд “Дурлалын гэмт хэрэг” киноны гол дүрд тоглож байжээ.

Жүжигчин бүсгүй 10 настайгаасаа германд амьдарсан тус улсын иргэншилтэй бөгөөд Германы алдарт бүжигчин, бүжиг дэглээч Дефлет Соостын нэрэмжит  уралдаанд тэргүүлж тэр цагаас хойш бүжгийн урлагтай холбогдох болсон байна. Мөн  17 настайдаа ХБНГУ-д зохион байгуулагддаг “Азийн мисс” уралдаанд түрүүлж байжээ.