Монгол Улсын Үндсэн хуулийг дохионы хэлмэрчээр “уншуулж” аудио хувилбартай нь нэгтгэсэн видео хувилбарыг Улсын Их Хурлын Тамгын Газраас санаачлан сонсгол, хэл ярианы бэрхшээлтэй иргэдэд зориулан гаргажээ. Үндсэн хуулийн аудио болон дохионы хэлээрх хувилбаруудыг хүртээмжтэй хүргэх үүднээс Улсын Их Хурлын албан ёсны парламент.мн цахим сайтад байршуулах ба Улсын Их Хурлын нийгмийн сүлжээн дэх албан ёсны хуудсууд, мэдээллийн цахим сайтуудаар түгээж, хэвлэл мэдээллийн хэрэгслээр сурталчлан түгээх аж.
Үндэсний статистикийн хорооноос гаргасан 2023 оны судалгаагаар Манай Улсад 11,418 гаруй сонсгол, хэл ярианы 12,053 орчим харааны бэрхшээлтэй иргэд байдаг.
Тэгвэл хөгжлийн бэрхшээлтэй иргэд эрх зүйн мэдлэгийг эх сууриас нь буюу Үндсэн хуулиас эхлэн олж авснаар бусад хуулийн зохицуулалтыг эрж олох, мэдэх, цаашилбал, өөр өөрийн эрхийг нэхэх, эдлэх боломжийг тус аудио болон видео хувилбарууд олгох юм байна.
Сэтгэгдэл (0)
Сэтгэгдэл бичигдээгүй байна