Албан байгууллагад хамгийн их тулгамддаг асуудал нь бага насны хүүхдийн цэцэрлэгийн хүртээмж. Энэ асуудлыг шийдэх гол гарц нь байгууллагууд дотоод журамдаа гэр бүлд ээлтэй ажлын байрны бодлогыг нэвтрүүлэх нь юу юунаас илүү чухал байдаг.
Тэр дундаа албан хаагчдынхаа хүүхдүүдийг байгууллагын дэргэдэх цэцэрлэгт хамруулахад ажилллагсадын сэтгэл болон ажлын бүтээмж нэмэгдэх сайн талтай.
Онцгой байдлын байгууллагаас “Албан хаагчдын хүүхэд хамгааллын бодлого”-ыг батлан, байгууллагын орчинд алба хаагчдын хүүхдүүдэд ээлтэй орчин нөхцлийг бүрдүүлэх, ажлын бүтээмжийг нэмэгдүүлэх хүрээнд олон талт арга хэмжээг хэрэгжүүлэн ажиллаж байна.
Энэ хүрээнд Нийслэлийн онцгой байдлын газрын Сүхбаатар дүүргийн Онцгой байдлын хэлтсийн Гал түймэр унтраах, аврах 74 дүгээр ангид хүүхдийн цэцэрлэгийг байгуулан, үйл ажиллагааг нь эхлүүллээ.
Онцгой байдлын ерөнхий газрын дэргэдэх Улаан загалмай дунд шатны хорооны санхүүжилтээр цэцэрлэгийн стандарт нормын дагуу тохижуулан, хүүхдийн аюулгүй байдлыг хангах орчныг бүрдүүлж, иж бүрэн тохижилтыг гүйцэтгээд байна.
Сэтгэгдэл (0)
Сэтгэгдэл бичигдээгүй байна