Санхүүгийн зохицуулах хорооны өнөөдрийн /2024.12.17/ ээлжит хуралдаанаас хоёр компанийн хөрөнгөөр баталгаажсан үнэт цаас болон хөрөнгө оруулалтын сангийн үүсгэн байгуулах баримт бичгийг бүртгэх, нэг компанид андеррайтерийн үйл ажиллагаа эрхлэх тусгай зөвшөөрлийг нэмж олгохоор шийдвэрлэжээ.
Мөн уул уурхайн бүтээгдэхүүний биржийн арилжааны зуучлагчийн үйл ажиллагаа эрхлэх тусгай зөвшөөрлийг нэг компанид, гадаад улсын үнэт цаасны зах зээлд үнэт цаас худалдах, худалдан авахад зуучлах үйл ажиллагаа эрхлэх тусгай зөвшөөрлийг нэг компанид тус тус олгох, хувийн хөрөнгө оруулалтын хоёр сангийн дүрэмд өөрчлөлт оруулахаар болсон байна.
Банк бус санхүүгийн зээл олгох үйл ажиллагаа эрхлэх тусгай зөвшөөрлийг гурван компанид, банк бус санхүүгийн гадаад валютын арилжаа эрхлэх болон банк бус санхүүгийн факторингийн үйлчилгээ эрхлэх тусгай зөвшөөрлийг тус бүр нэг компанид, банк бус санхүүгийн гадаад валютын арилжаа, цахим төлбөр тооцоо, мөнгөн гуйвуулгын үйлчилгээ эрхлэх тусгай зөвшөөрлийг нэг компанид нэмж олгож, мөнгөн зээлийн үйл ажиллагаа эрхэлж буй хоёр компанийн хаяг байршлын өөрчлөлт болон салбарыг бүртгэхээр тогтжээ.
Үл хөдлөх эд хөрөнгө зуучлалын байгууллагын үйл ажиллагаа эрхлэх тусгай зөвшөөрлийг таван компанид, үнэт металл, үнэт чулууны, эсхүл тэдгээрээр хийсэн эдлэлийн арилжаа эрхлэгчийн үйл ажиллагаа эрхлэх тусгай зөвшөөрлийг нэг компани, нэр бүхий найман иргэнд олгохыг зөвшөөрч, хоёр компанийн банк бус санхүүгийн факторингийн үйлчилгээ эрхлэх болон мөн хоёр компанийн банк бус санхүүгийн итгэлцлийн үйлчилгээ эрхлэх тусгай зөвшөөрлийг сэргээхээр шийдвэрлэсэн юм.
Сэтгэгдэл (0)
Сэтгэгдэл бичигдээгүй байна