2024 оны есдүгээр сарын байдлаар Улаанбаатар хотод орон сууцны үнэ өмнөх оны мөн үеэс 12.2 хувиар, өмнөх сараас 2.8 хувиар тус тус өссөн байна.
Шинэ орон сууцны үнэ өмнөх оны мөн үеэс 9.6 хувиар, өмнөх сараас 4.0 хувиар, хуучин орон сууцны үнэ өмнөх оны мөн үеэс 13.8 хувиар, өмнөх сараас 2.1 хувиар тус тус өссөн байна.
Шинэ орон сууцны дундаж үнэ 2024 оны есдүгээр сарын байдлаар Хан-Уул дүүрэгт хамгийн үнэтэй буюу 4.6 сая байгаа бол Сүхбаатарт 4.47 сая, Чингэлтэйд 4.11 сая, Баянзүрхэд 3.99 сая, Баянголд 3.91 сая, Сонгинохайрханд хамгийн хямд буюу 2.94 сая байна.
Харин хуучин орон сууцны дундаж үнэ Сүхбаатар дүүрэгт хамгийн өндөр буюу 4.91 сая, Чингэлтэйд 4.59 сая, Хан-Уулд 4.4 сая, Баянзүрхэд 3.68 сая, Баянголд 3.5 сая, Сонгинохайрханд хамгийн хямд буюу 2.88 сая байгаа аж.
Шинэ орон сууцны дундаж үнэ Баянзүрхэд хамгийн их буюу 19.8 хувиар буюу 659.2 мянган төгрөгөөр өссөн бол хамгийн бага нь Сонгинохайрханд 8.9 хувь буюу 331.7 мянган төгрөгөөр өссөн байна. Харин хуучин орон сууцны дундаж Сүхбаатар дүүрэгт хамгийн их 28.9 хувь буюу 1 сая 102.4 мянган төгрөгөөр өссөн бол Сонгинохайрхан дүүрэгт хамгийн бага 8.9 хувь буюу 376.6 мянган төгрөгөөр өсжээ.
Дэлгэрэнгүй мэдээллийг та https://www.1212.mn/mn/dissemination/72719315 холбоосоор үзэх боломжтой.
Сэтгэгдэл (0)
Сэтгэгдэл бичигдээгүй байна