Үхрийнхэн энэ сард хостойгоо хайр сэтгэлийн хувьд тун тааламжтай харилцаатай байна. Хос нь үхрийн ордныхонд шинээр хүчтэй дурлаж, эсвэл хэн нэгэнтэй хардаж ч мэдэх юм. Эдгээрийн дүнд хамт хоолонд орж, болзож, цоо шинээр бие биедээ дахин дурлах болно. Ганц бие хүмүүсийг хэн нэгэнтэй танилцуулахын тулд найзууд нь тусгайлсан уулзалт зохион байгуулж мэднэ. Ямар нэгэн үнэ цэнэтэй харилцаа тогтоно гэхэд хэцүү ч энэ сарыг таагүй гэж хэлж болохооргүй байна. Хайр дурлалын болзоо, хөөрхөн бэлэг, хөгжилтэй адал явдал та бүхнийг угтана.
Ажил хэргийн тухайд энэ сард уран бүтээлийн хувьд, ялангуяа үгийн урлагийн салбарт амжилт өсөлт хүлээж байна. Зохиолчид, яруу найрагчид шилдэг зохиол бүтээл, сэтгүүлчид сайн нийтлэлүүд туурвина. Бусад хүмүүс олон илтгэл тавьж, гэрээнд гарын үсэг зурж, салбар хоорондын чуулган дээр авьяаслаг илтгэгч болж, гялалзах боломжтой.
Санхүүгийн байдлын хувьд түвшин дээшилнэ. Үхрийнхэн зээлээ хугацаанаасаа өмнө төлж, хөрөнгө оруулалтын шинэ төсөл эхлүүлэхээр бодож үзэх боломжтой болж мэднэ. Хөрөнгө оруулалтын төсөл эхлүүлвэл маш болгоомжтой байж, харилцагчинхаа төлбөрийн чадварын талаар нэн тэргүүнд асууж судлах хэрэгтэйг зөвлөе.
Сэтгэгдэл (0)
Сэтгэгдэл бичигдээгүй байна