Олон бяцхан зүрхэнд амьдрал хайрласан "Зүрх мартахгүй" төслийг санаачлагч, анагаах ухааны доктор, Монгол Улсын гавьяат эмч Бундангийн Болдсайхан өчигдөр /2024.05.18/ цахим хуудастаа өөрийн хүслийн талаар ийнхүү бичжээ.
Тэрбээр "Дөнгөж саяхан болтол: ядарсан ч ядарлаа гэж хэлдэггүй, хүнд өвдсөн ч өвчинд зовиурлаж 1 өдөр ч хэвтэж үзэлгүй … энэ биеэ хад чулуу гэж санан хатуужин хичээж явж
.. гэхдээ ядрал, хүч тамир дутахыг мэдрэх өдрүүд айсуй л бололтой
.. мэдрээд л байгаа
.. оюун хурц тунгалаг, сэтгэл амгалан бат байхад: энэ биеийг энэ насанд нь хайрлал, амралт үгүй үрэх зориг дүүрэн хэвээр л
.. өдий хүртэл хийсэн 4700 дээрээ дахиад 1000 хүүхдийн мэс засал, 30.000 хүүхдийн үзлэг хийчихвэл: болоо дөө: над өөр чадах юу байх билээ: Монголд" гэсэн байна.
Алтан гарт эмч гэж хүндлэгддэг Б.Болдсайхан "Зүрх мартахгүй" төслийнхөө хүрээнд Монгол Улсыг тойрон явж, зүрхний өвчтэй маш олон хүүхдэд тусламж хүргэсэн буянтан юм.
Сэтгэгдэл (0)
Сэтгэгдэл бичигдээгүй байна