Цахим орчинд 2024 оны дөрөвдүгээр сарын 10-ны өдөр нэр бүхий мэдээллийн сайтад “Сэлэнгэ аймгийн Зүүн Хараад болсон “U15” нэртэй волейболын тэмцээний үеэр багш нь хүүхдүүдээ бөмбөг алдлаа гэж орилж, удаа дараа маш хүчтэй алгадан, зодож биед нь халдаж байгаа байдал” гэсэн гарчигтай видео мэдээлэл гарсан.
Уг үйлдэлд Дархан-Уул аймгийн цагдаагийн газраас шалган шийдвэрлэх ажиллагаа явуулж хүүхдийн эрхийг зөрчих зөрчил гаргасан иргэн Ж-д Зөрчлийн тухай хуульд зааснаар 300 нэгж буюу 300 000 төгрөгөөр торгох шийтгэл оногдуулжээ.
Мөн Сүхбаатар дүүргийн 8 дугаар хорооны нутаг дэвсгэрт үйл ажиллагаа явуулдаг нэр бүхий байгууллага нь 2024 оны 4 дүгээр сарын 23-ны өдөр шөнийн цагаар барилгын ажил гүйцэтгэж, нийтийн зориулалттай орон сууцны оршин суугчдын амгалан тайван байдлыг алдагдуулсан гэх үйлдэлд Зөрчлийн тухай хуульд зааснаар 1000 нэгж буюу 1 сая төгрөгөөр торгох шийтгэл оногдуулсан байна.
Сэтгэгдэл (0)
Сэтгэгдэл бичигдээгүй байна