Автомашинтай холбоотой зөрчлийн талаарх мэдээллийг иргэд 102 апплейкшнээр илгээж, "урамшуулал" авч эхэлсэн. Гэхдээ ийнхүү илгээлээ ч хүлээж авахгүй байгаа талаар хүмүүс цахим сүлжээнд бичиж буй.
Тэгвэл Замын хөдөлгөөний удирдлагын төвөөс энэ асуудлаар мэдээлэл гаргажээ.
Мэдээлэлд "102 апплейкшнээр зөрчлийн мэдээлэл илгээж буй иргэдийн анхааралд
Иргэдийн илгээж буй зарим зөрчлийн мэдээлэл нь нотлох баримтын шаардлага хангахгүй байгаа тул шийдвэрлэх боломжгүй байна.
Тухайлбал, тээврийн хэрэгсэл хөдөлгөөнд оролцож байх үед жолооч гар утас ашиглаж зөрчлийг машин дотроос зураг авч илгээсэн тохиолдол хангалтгүйд тооцогдоно.
Иймд зөрчлийн зураг илгээхдээ дараах шаардлагыг хангана уу. Үүнд:
• Тээврийн хэрэгсэл бүтэн харагдах
• Орчин, байршил тодорхой байх
• Замын боржуур-хашлага, тэмдэг, тэмдэглэгээ харагдах
• Улсын дугаар тод, уншигдахуйц
• Хэт ойр, хэт холоос авахгүй
• Зургийн чанар, нягтаршил сайн
• Байршлын мэдээлэлтэй зөрөхгүй" гэсэн байна.
Сэтгэгдэл (0)
Сэтгэгдэл бичигдээгүй байна