Арван зургаан настай охины амь насыг бүрэлгэсэн хэргийн шүүх хурал Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд хоёр өдөр үргэлжилж, шүүх бүрэлдэхүүн шийдвэрээ өнөөдөр /2026.01.23/ уншиж танилцууллаа.
Анхан шатны шүүх Ц.Дагвадоржийг онц харгис хэрцгийгээр хоёр хүнийг алсан гэмт хэрэг үйлдсэн гэм буруутайд тооцож, уг үйлдэлд нь бүх насаар нь хорих ял оноов. Мөн өөр хэд хэдэн гэмт хэрэгт гэм буруутайд тооцож, тэдгээрт ногдуулсан ялыг нэмж нэгтгэн, нийт эдлэх ялыг бүх насаар нь хорих ялаар тогтоолоо. Э.Дагвадоржид оногдуулсан бүх насаар хорих ялыг хаалттай хорих ангид тусгаарлан эдлүүлнэ.
Түүнчлэн Ц.Дагвадоржоос хохирол, хор уршигт нийт 468 сая гаруй төгрөгийг гаргуулж, 256 сая гаруй төгрөгийг амь хохирогч Ч.Шинэсарангийн хууль ёсны төлөөлөгч Г.Отгонтуяад, 205 орчим сая төгрөгийг амь хохирогч н.Золжаргалын хууль ёсны төлөөлөгч Т.Золзаяад, үлдсэн мөнгийг бусад хэргийн хохирогчдод олгохоор шийдвэрлэлээ.
Харин прокуророос Э.Ган-Эрдэнэ, Э.Номин-Эрдэнэ, Х.Энхсайхан нарт яллах дүгнэлт үйлдэж ирүүлснийг шүүх гэмт хэргийн шинжгүй гэж үзэж, хэргийг хэрэгсэхгүй болгож, тэднийг цагаатгалаа.
Хохирогчийн Ч.Шинэсарангийн ээж Г.Отгонтуяа асар их гомдолтой байна гээд шүүхийн шийдвэрийг хүлээн зөвшөөрөхгүй, дараагийн шатанд гомдол гаргана гэж мэдэгдсэн юм.
Сэтгэгдэл (0)
Сэтгэгдэл бичигдээгүй байна