Нийслэлийн Засаг дарга, Улаанбаатар хотын захирагч Х.Нямбаатар олон нийтийн сүлжээнд 2025 онд хэн сайн ажилласан бэ гэх санал асуулгууд явж буй талаар дурдаад уралдаан, шалгаруулалтаас нэрээ татан авч буй талаараа өөрийн цахим хаягтаа бичжээ.
Х.Нямбаатар "Олон нийтийн сүлжээнд 2025 онд хэн хамгийн сайн ажилласан бэ, хэн нь сайн ажилласан бэ гэх санал асуулгууд сүүлийн өдрүүдэд нэлээдгүй харагдах боллоо. Мэдээж иргэдийн зүгээс үнэлэлт дүгнэлт өгөх нь зүйн хэрэг. Гэвч Улаанбаатар хотын иргэдийн амьдралд тулгамдсан томоохон асуудлуудыг шийдвэрлэх богино хугацаанд хэрэгжиж буй ажлууд эхнээсээ үр дүнгээ өгч эхэлсэн хэдий ч дунд, урт хугацаанд хэрэгжих төсөл хөтөлбөрүүд гараанаасаа хөдөлж байгаа энэ цаг мөчид миний хувьд дээрх уралдаан, шалгаруулалтаас нэрээ татан авч байна." гэсэн байна.
Гэхдээ Х.Нямбаатар дарга ийнхүү бичсэнээр олон нийтийн сүлжээн дэх санал асуулгаас түүний нэрийг "татах" эсэх нь тодорхойгүй юм.
Сэтгэгдэл (0)
Сэтгэгдэл бичигдээгүй байна