Гадаад харилцааны сайд бөгөөд Цөлжилттэй тэмцэх тухай НҮБ-ын конвенцын Талуудын 17 дугаар бага хурал (СOP17)-ыг зохион байгуулах Үндэсний Хорооны Дэд дарга Б.Батцэцэг тус Үндэсний Дэд Хорооны анхдугаар хуралдаан болон COP17-ын ач холбогдлын талаар өөрийн цахим хуудастаа бичжээ.
Б.Батцэцэг "Цөлжилттэй тэмцэх тухай НҮБ-ын конвенцын Талуудын 17 дугаар бага хурал (COP17)-ыг зохион байгуулах дэд хорооны анхдугаар хуралдаан амжилттай болж, дэд хорооны төлөвлөгөөг хэлэлцлээ.
Манай улс анх удаа энэхүү олон улсын хурлыг хүлээн авч байгаагаараа онцгой ач холбогдолтой бөгөөд хурлыг дээд, өндөр түвшний зочдын оролцоотой амжилттай зохион байгуулах нь улс орны нэр хүнд, санхүүжилт татах боломжийг нэмэгдүүлнэ.
Дэд хороо оролцогч талуудтай нягт хамтран ажиллаж, COP17-ыг үр дүнтэй, өндөр стандарттай зохион байгуулах бүх бэлтгэлийг хангахыг зорьж байна. Энэ хурал нь Монгол Улс, бүс нутгийн болон дэлхийн түвшинд цөлжилттэй тэмцэх олон талт хамтын ажиллагааг бэхжүүлэх чухал боломж юм." гэсэн байна.
Сэтгэгдэл (0)
Сэтгэгдэл бичигдээгүй байна