Надтай хамт ажиллалаг байсан Б нь миний хувийн мэдээллийг ашиглан миний нэр дээр “Netpay”, “Numur” зэрэг зээлийн аппликейшнээс нийт 2,000,000 төгрөгийн зээл авсан байна гэх гомдол цагдаагийн байгууллагад энэ сарын 9-ний өдөр бүртгэгджээ.
Мөн иргэн О энэ сарын 7-ны өдөр гар утсаа алдсаны улмаас Хаан банкны нэвтрэх нэр, нууц үгээ алдаж, иргэний хувийн мэдээллийг ашиглан “Гэрэл” зээлийн аппликейшнээс 180,000 төгрөгийн зээл авсан гэх гомдол, мэдээлэлд шалгалтын ажиллагааг явуулж байгаа аж.
Энэ оны эхний улирлын байдлаар нийт бүртгэгдсэн гэмт хэргийн 3386 нь цахим орчинд үйлдэгдсэн байна.
Иймд иргэд өөрийн хувийн мэдээллээ бусдад мэдэгдэхгүй байх, нууцлал аюулгүй байдлаа сайтар хангахгүй бол цахим орчинд хувийн мэдээллээ бөглөж, зээл авах боломжтой болсон энэ цаг үед таны нэр дээр хэн нэгэн зээл авч, өмчлөх эрхэнд тань халдах үйлдлийг гаргаж болзошгүй байх тул сонор сэрэмжээ дээшлүүлэхийг цагдаагийн байгууллагаас сануулжээ.
Сэтгэгдэл (0)
Сэтгэгдэл бичигдээгүй байна