Монгол Шуудан ХК-аас тус газрын нэртэй хуурамч мессеж болон дуудлагаас сэрэмжлэхийг анхааруулжээ.
Сэрэмжлүүлэгт "Сүүлийн үед "Монгол шуудан: Хүчингүй шуудангийн хаяг илэрсэн тул илгээмжийг бөглөх боломжгүй бөгөөд линк дэх шуудангийн хаягийн мэдээллийг 24 цагийн дотор баталгаажуулна уу.
htts://mongolpost.mn-check.lol/MN
(Y гэж хариулж , мессежээс гараад холбоосыг идэвхжүүлэхийн тулд дахин нээнэ үү. эсвэл холбоосыг Safari хөтөч дээрээ хуулж аваад нээнэ үү)
Бид танд аль болох хурдан хүргэх болно, өдрийг сайхан өнгөрүүлээрэй.
"Мэдээлэл дутуу байсан тул таны илгээмжийг логистикийн төвд хадгалсан. Хаягаа хугацaaнд нь бөглөнө үү https://... " гэх мэт хуурамч мессежийг иргэдэд илгээн хувийн болон дансны мэдээллийг авч буруугаар ашиглах оролдлого нэмэгдэж байна.
Манай байгууллага таны дансны мэдээллийг онлайнаар авах хүсэлт гаргадаггүй тул сэжигтэй бөгөөд тодорхойгүй эх сурвалжаас ирсэн холбоос дээр дарж, хувийн мэдээлэлээ бусдад тараахаас сэргийлээрэй.
Та манай байгууллагын илгээмжтэй холбоотой мэдээллээ зөвхөн дараах сувгуудаас шалгах боломжтой. Лавлах утас: 1800-1613
Вэбсайт: www.mongolpost.mn
(Монгол Шуудан ХК-ийн албан ёсны утас, вэб хаягийг мөн эсэхийг заавал нягтална уу.)
Хэрэв та хуурамч мессеж хүлээн авлаа гэж үзсэн тохиолдолд албан ёсны холбоо барих хэрэгслээр бидэнтэй холбогдоно уу." гэсэн байна.
Сэтгэгдэл (0)
Сэтгэгдэл бичигдээгүй байна