Сэтгүүлч Н.Өнөрцэцэгт холбогдох хэргийн шийдвэрийг Нийслэлийн Эрүүгийн хэргийн давж заалдах шатны шүүх өнөөдөр /2024.11.07/ хаалттай хэлэлцэж, магадлалаа нээлттэй уншиж сонсголоо.
Давж заалдах шатны шүүх хэргийг бүхэлд нь хянаж үзээд нотолбол зохих зүйлүүд тогтоогдсон, анхан шатны шүүх хэргийн үйл баримтад үндэслэл бүхий дүгнэлт хийсэн гэж дүгнэж, анхан шатны шүүхийн шийдвэрийг хэвээр үлдээв.
Хаалттай шүүх хуралдааны үйл ажиллагааг тодруулж ярих боломжгүй учир магадлалд тодорхой тусгаж, бичгээр хүргүүлнэ гэлээ. Мөн Дээд шүүхэд хяналтын гомдол гаргах эрхтэйг дурдав.
Шүүх хуралдаанд Нийслэлийн Эрүүгийн хэргийн давж заалдах шатны шүүхийн Ерөнхий шүүгч Б.Зориг илтгэгч шүүгчээр оролцсон бөгөөд тус шүүхийн цахим хуудаст байгаа товд гурван бүрэлдэхүүний бусад хоёр шүүгчийн нэрийг оруулаагүй байгаа юм. Н.Өнөрцэцэгийг тус шүүх хуралдаанд 8 өмгөөлөгч өмгөөлсөн байна.
Сэтгэгдэл (0)
Сэтгэгдэл бичигдээгүй байна