2025 он айсуй. Шинэ оныг угтан хуанли худалдаанд гарч эхэлсэн байна. Дэлхий даяар тун алдартай нэгэн хуанли байдаг нь Австралийн гал сөнөөгчдийнх юм.
1993 оноос эхлэн Австралийн булчинлаг гал сөнөөгчдийн зураг бүхий хуанли худалдаанд гарснаас хойш жил ирэх тусам алдаршиж, улам бүр түгэж, одоо Дэлхийн 90 гаруй улсад борлуулагдах болжээ.
Энэхүү хуанлид зургаа оруулах гэж Австралийн олон зуун гал сөнөөгч биеийн бэлтгэл дасгал хийж, гэрэл зургуудаа илгээдэг байна. Тэдгээр цөөн хэд нь л “тоогдож”, гэрэл зураг нь нийтлэгддэг юм.
Энэ жилийн гал сөнөөгчдийн хуанлид Австрали тивд амьдардаг хамгийн хөөрхөн амьтдын хамтаар зураг авахуулжээ. Борлуулалтын зарим хувийг Байрон Бэй дэх зэрлэг амьтдыг хамгаалах эмнэлэгт хандив болгож өгөх юм байна.
1993 оноос хойш тооцвол энэхүү хуанли 3.45 сая ам.долларын хандив цуглуулж, буян болжээ.
Сэтгэгдэл (0)
Сэтгэгдэл бичигдээгүй байна