Улсын их баяр наадмын хүчит бөхийн барилдааны дөрвийн давааны төгсгөлд улсын арслан Ц.Содномдорж, аймгийн арслан М.Эрхэмбаяртай оноолт тааран барилдлаа. Хоёр бөх хоёр цаг орчим барилдсаны эцэст хаялцаагүй учир найман цэцийн шийдвэрээр 5:3-аар аймгийн арслан М.Эрхэмбаярыг идэвхээр давсанд тооцлоо.
Ийнхүү улсын арслан Ц.Содномдорж хоёр жилийн наадам дараалан идэвхээр хасагдав. Ноднин жилийн наадмын долоогийн даваанд даян аварга Н.Батсуурьтай барилдаж, мөн идэвхээр унасанд тооцогдсон. Нөгөө талаас нь харвал бас улсын арслан Ц.Содномдорж хоёр жилийн наадамд дараалан өвдөг шороодсонгүй.
Сэтгэгдэл (0)
Сэтгэгдэл бичигдээгүй байна