Хүүхдийн баярын өдрөөр бяцхан үрсээ хэрхэн баярлуулах гэж төлөвлөж байна даа. Тогтсон хэвшлээр парк, талбай орох уу, эсвэл гэж бодож байгаа бол үүд хаалгаа нээгээд удаагүй байгаа Хүүхэд залуучуудын театрыг зорьж очвол "нэг сумаар хоёр туулай" буудаж болно.
Тус театрт "Арслан хүлэгт баатар" ид шидийн хүүхдийн жүжиг хаалтын тоглолтуудаа хийж байгаа бөгөөд зургадугаар сарын 1-ний 11, 13, 15 цагаас тоглоно.
Мөн баярын өдрийг тохиолдуулан АНУ-аас авчирсан Монголоос гаралтай үлэг гүрвэлийн олдворуудаас Тарбозавр Батаар, Овираптор, Галлимимус, Протоцератопс зэрэг 8 төрлийн 15 ширхэг үлэг гүрвэлийн гавлын ясны үзэсгэлэнг Байгалийн түүхийн музей уг театрт гаргасан байна.
Үзэсгэлэн 2024 оны 5 сарын 29-ний өдрөөс 6-р сарын 1-ний өдрийг хүртэл олны хүртээл болох ба хүүхэд залуучууд “WELCOME HOME” онц сонирхолтой үзэсгэлэнг үнэ төлбөргүй үзэж, үлэг гүрвэлийн орноор аялах боломжтой.
Сэтгэгдэл (0)
Сэтгэгдэл бичигдээгүй байна