ГАДААДАД МАГИСТР, ДОКТОРЫН ХӨТӨЛБӨРТ ЗАСГИЙН ГАЗРЫН ТЭТГЭЛГЭЭР СУРАЛЦАХ СОНГОН ШАЛГАРУУЛАЛТ ЗАРЛАГДЖЭЭ

Монгол Улсын Засгийн газрын 2024 оны 102 дугаар тогтоолоор батлагдсан “Гадаадын болон дотоодын дээд боловсролын сургалтын байгууллагад суралцагчид тэтгэлэг, зээл олгох, эргэн төлүүлэх, буцалтгүй тусламж олгох, дэмжлэг үзүүлэх журам”-ын дагуу 2024-2025 оны хичээлийн жилд Боловсролын зээлийн сангийн санхүүжилтээр гадаадын сургалтын байгууллагад магистр, докторын хөтөлбөрт “Монгол Улсын Засгийн газрын тэтгэлэг”-ээр суралцах иргэдийн сонгон шалгаруулалт зарлагдав. 

ХАМРАХ ХҮРЭЭ:

• Тэргүүлэх мэргэжлийн чиглэлээр магистр, докторын үндсэн хөтөлбөрт суралцах эрх авсан суралцагчид хамрагдана.

• Боловсролын ерөнхий хуулийн 5.1.3-т заасан “тэгш хүртээмжтэй байх” зарчмын дагуу тэтгэлэг, зээл, хөнгөлөлтөд өрхийн нэг гишүүнийг хамруулна. Өрхийн аль нэг гишүүн өмнө нь энэ журамд заасан аль нэг тэтгэлэг, зээл, хөнгөлөлтөд хамрагдсан бол тухайн суралцагчтай ижил оршин суугаа газрын хаягт байнгын оршин суух бүртгэлтэй, хамт амьдардаг бусад гишүүн тэтгэлэг, зээл, хөнгөлөлтөд дахин хамрагдахгүй.

• Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 201.1-д заасны дагуу Монгол Улсын Ерөнхийлөгч, Улсын Их Хурлын гишүүн, Монгол Улсын Ерөнхий сайд, Засгийн газрын гишүүн, аймаг, нийслэлийн Засаг дарга, эсхүл түүний эхнэр, нөхөр, хамтран амьдрагч, хүүхэд сангийн хөрөнгөөр суралцахгүй. Журмын дагуу сонгон шалгаруулалтад тэнцсэн магистр, докторын үндсэн хөтөлбөрийн суралцагчдад сургалтын төлбөрийн тэтгэлэг олгоно.

СОНГОН ШАЛГАРУУЛАЛТАД ОРОЛЦОГЧИД ТАВИГДАХ ШААРДЛАГА:

• Монгол Улсын иргэн байх;

• Магистр, докторын үндсэн хөтөлбөрт суралцах шаардлага хангаж, урилга авсан байх;

• Засгийн газрын 2023 оны 03 дугаар сарын 29-ний өдрийн “Хөгжлийн тэргүүлэх болон эрэлттэй мэргэжлийн чиглэл батлах тухай” 115 дугаар тогтоолын 1 дүгээр хавсралтаар баталсан “Дээд боловсролын тэргүүлэх мэргэжлийн чиглэл”-д заасан мэргэжил байх;

• Гадаадын сургалтын байгууллагад магистр, докторын хөтөлбөрт өмнө нь суралцаагүй байх;

• Зээл авснаас бусад тохиолдолд Боловсролын зээлийн сангийн хөрөнгөөр суралцаагүй байх;

• Өрийн мэдээллийн нэгдсэн санд зээлийн үлдэгдэлгүй, зээлийн мэдээллийн санд бусад этгээдээс авсан хугацаа хэтэрсэн зээлийн үлдэгдэлгүй байх;

 БҮРДҮҮЛЭХ БАРИМТ БИЧИГ, ТАЙЛБАР:

1. Хүсэлт (баталсан маягтын дагуу)

2. Хүлээн авч суралцуулах тухай урилга, албан захидал (нэмэлт нөхцөл шаардаагүй шууд суралцах эрх олгосон байна. Урилга англиас бусад гадаад хэл дээр бичигдсэн бол албан ёсны орчуулга хийлгэсэн байна);

3. IELTS-ийн 7.0 буюу түүнээс дээш, IBT TOEFL-ийн 94 буюу түүнээс дээш оноотойг батлах баримт бичиг (хүчинтэй хугацаа дуусгавар болоогүй байх, хэрэв англиас бусад гадаад хэлээр суралцах тохиолдолд эдгээртэй дүйцэхүйц олон улсын шалгалтын оноотойг нотлох баримт бичиг, албан ёсны орчуулга хийлгэсэн байна)

4. Иргэний үнэмлэхийн лавлагаа (E-mongolia-с татах)

5. Цагдаагийн газрын тодорхойлолт (E-mongolia-с татах) 6. Өмнөх боловсролын диплом (aнгли хэл дээрх баталгаат орчуулгын хамт)

7. Хэрэв үргэлжлүүлэн суралцагч бол өмнөх улирлын голч дүн авбал зохих үнэлгээний 75 хувиас доошгүй байх

8. Сургалтын төлбөрийн нэхэмжлэх (Заавал биш)

9. Бүтээлийн жагсаалт

10. Бусад /эсээ-500үг/

СОНГОН ШАЛГАРУУЛАЛТ:

• Боловсрол, шинжлэх ухааны Сайдын тушаалаар байгуулагдсан Ажлын хэсэг нь батлагдсан удирдамжийн дагуу сонгон шалгаруулалтыг 2024 оны 05 дугаар сарын 20-ны өдрөөс 06 дугаар сарын 27-ны өдрийг дуустал зохион байгуулна.

 • Сонгон шалгаруулалтад оролцох хүсэлтийг цахим системд хүлээн авна.

ЧУХАЛ ХУГАЦАА:

1. Сонгон шалгаруулалтын зар байрших хугацаа

2. Бүртгэл нээгдэх 2024.05.20-оос 2024.06.18 /баримт бичиг хүлээж авах систем автоматаар нээгдэнэ/

3. Бүртгэл хаагдах 2024.06.18-ны 0000 цаг /баримт бичиг хүлээж авах систем автоматаар хаагдана/ 2024.06.23-ны 2359 цаг

4. Баримт бичгийн бүрдлийн үр дүнг БШУЯ болон БЗС гийн цахим хуудсаар зарлах 

5. Суралцах чадварын ерөнхий үнэлгээний шалгалт 2024.06.25 авах /ярилцлага/

6. Сонгон шалгаруулалтын нэгдсэн үр дүн зарлах 2024.06.26 2024.06.27

АНХААРУУЛГА:

• Бүртгэл дуусах хугацаа ойртох тусам тухайн өдрүүдэд системийн ачаалал ихэсдэг тул бүртгүүлэх ажлаа оновчтой төлөвлөхийг танд зөвлөж байна.

• Баримт бичиг хүлээн авах систем автоматаар хаагдахыг анхаарна уу (хугацаа хоцорсон баримт бичгийг хүлээн авахгүй).

• Сонгон шалгаруулалтын явц болон үр дүнг Боловсрол, шинжлэх ухааны яам болон Боловсролын зээлийн сангийн цахим хуудсаар тухай бүр мэдээлнэ. Иргэдэд хувийн цахим хаягаар нь мэдээлэл, үр дүнг илгээнэ.

Сонгон шалгаруулалттай холбоотой асуулт, санал хүсэлтийг ажлын өдөр 09.00-17.00 цагт Боловсролын зээлийн сангийн 7004-7009 (1100), утсаар лавлах боломжтой.