Ойрын арав хоногийн хугацаанд цаг агаар ямар байх талаар Цаг уур, орчны шинжилгээний газраас гаргасан мэдээллийг танилцуулж байна.
2025 оны 9 дүгээр сарын 29-нөөс 10 дугаар сарын 8-ныг хүртэлх 10 хоногийн цаг агаарын урьдчилсан төлөв:
10 дугаар сарын 2-нд баруун аймгуудын ихэнх нутаг, төвийн аймгуудын нутгийн баруун хэсгээр, 3-нд нутгийн хойд хэсгээр, 7-нд ихэнх нутгаар хур тунадас орж, 3-наас ихэнх нутгаар сэрүүсч, салхитай байна.
Хур тунадас: Есдүгээр сарын 29-нд Хангайн уулархаг нутгаар, 30-нд Монгол-Алтай, Хөвсгөл, Хэнтийн уулархаг нутгаар, 10 дугаар сарын 1-нд Монгол-Алтай уулархаг нутгаар, 2-нд баруун аймгуудын ихэнх нутаг, төвийн аймгуудын нутгийн баруун хэсгээр, 03-нд төв болон зүүн аймгуудын нутгийн зарим газраар, 4, 5-нд баруун, төв, зүүн аймгуудын нутгийн хойд хэсгээр, 06-нд баруун аймгуудын нутгийн зарим газар, төвийн аймгуудын нутгийн баруун хойд хэсгээр, 07-нд нутгийн төв хэсгээр, 08-нд нутгийн зүүн хэсгээр хур тунадас орно.
Салхи: Ихэнх нутгаар секундэд 6-11 метр, 30-нд тал, хээрийн нутгаар, 10 дугаар сарын 1-нд нутгийн хойд хэсгээр, 02,07-нд ихэнх нутгаар, 06-нд баруун болон төвийн аймгуудын нутгаар, 08-нд зүүн аймгуудын нутгаар түр зуур секундэд 18-20 метр хүрч ширүүснэ.
Агаарын температур: 30 болон 10 дугаар сарын 1-нд нутгийн өмнөд хэсгээр, 2-нд нутгийн зүүн өмнөд хэсгээр дулаан байх боловч бусад хугацаанд ихэнх нутгаар сэрүүсч Алтай, Хангай, Хөвсгөл, Хэнтийн уулархаг нутаг, Хүрэнбэлчир, Идэр, Тэс, Тэрэлж голын хөндийнгөөр шөнөдөө -7...-12 градус хүйтэн, өдөртөө -2...+3 градус, говийн бүс нутгийн өмнөд хэсгээр шөнөдөө +3...+8 градус, өдөртөө +15...+20 градус, бусад нутгаар шөнөдөө -4...+1 градус, өдөртөө +4...+9 градус дулаан байна.
Улаанбаатар хот орчмын 10 хоногийн цаг агаарын урьдчилсан төлөв
Хур тунадас: Аравдугаар сарын 2-3-нд ялимгүй хур тунадас, 7-нд хур тунадас орно. Бусад хугацаанд хур тунадас орохгүй.
Салхи: Ихэнх хугацаанд секундэд 5-10 метр, 30 болон 10 дугаар сарын 2-нд баруун өмнөөс хойш эргэж секундэд 12-14 метр хүрч ширүүснэ.
Агаарын температур: Хугацааны эхээр дулаахан шөнөдөө +2...+7 градус, өдөртөө +14...+19 градус дулаан, 3-наас сэрүүсэж, шөнөдөө Яармаг-Сонгины орчмоор -1....-6 градус хүйтэн, бусад хэсгээр -2...+3 градус, өдөртөө +4....+9 градус дулаан байна.
Сэтгэгдэл (0)
Сэтгэгдэл бичигдээгүй байна