Болгар улсын Софи хотод 2025 оны зургадугаар сарын 13-17-ны өдрүүдэд болсон Европын физикийн IX олимпиадад 40 орны 200 орчим сурагчид, 100 орчим багш, дасгалжуулагч нар мэдлэг чадвараа сорин өрсөлдсөнөөс Дархан-Уул аймгийн Од сургуулийн 11 дүгээр ангийн сурагч Г.Амармэнд мөнгөн медаль хүртэж, бахдам амжилт үзүүлжээ. Мөн Улаанбаатар хотын Сант сургуулийн 10 дугаар ангийн сурагч Г.Чойдэлгэр шагналт байрт шалгарсан байна.
Монгол Улсаа төлөөлөн 5 сурагч оролцож, 1 мөнгө, 1 шагналт байр эзэлсэн түүхэн амжилт үзүүлжээ.
Монгол Улс тус олимпиадаас түүхэн дэх анхны мөнгөн медалиа хүртэж байгаа нь энэ юм.
Багийн ахлагчаар МУИС-ийн багш доктор, дэд профессор Г.Мөнхбаяр, дасгалжуулагч багшаар Улсын Физикийн олимпиадын хорооны дарга М.Ганбат нар ажилласан байна.
Олимпиадад оролцсон сурагчид, багш, дасгалжуулагч нартаа халуун баяр хүргэе.
Сэтгэгдэл (0)
Сэтгэгдэл бичигдээгүй байна