Японы Осака хотноо жил бүр зохион байгуулагддаг “Osaka Asian Film Festival 2025” наадмаас “Азийн шилдэг жүжигчин”-ээр Ж.Сэнгэдорж найруулагчийн “Чимээгүй хотын жолооч” уран сайхны киноны гол дүрийн жүжигчин А.Түвшинбаяр шалгарчээ.
20 дахь жилдээ зохион байгуулагдаж буй уг наадам энэ удаа 2025 оныгуравдугаар сарын 14-23-ны явагдаж, олон улсын 50 гаруй кино уран бүтээлийг үзэгчдэд толилуулсан байна.
"Чимээгүй хотын жолооч" кино нь өнгөрсөн оны 11 дүгээр сард 28 дахь удаагийн “Таллины хар шөнө” олон улсын кино наадмын гранпри шагнал болон шилдэг зураачийн шагналыг тус тус мөн хүртсэн юм.
А.Түвшинбаяр нь Монгол Улсын Үндэсний урлагийн их театрын бүжигчин бөгөөд "Тэнгэрийн хутагт" бүжгэн жүжигт Ноён хутагт Данзанравжаагийн дүрийг бүтээснийг нь үзэгч олон сайн мэддэг билээ.
Сэтгэгдэл (0)
Сэтгэгдэл бичигдээгүй байна