Менингококкт халдварын нэг тохиолдол өчигдөр /2025.03.10/ лабораториор батлагдсан талаар ХӨСҮТ мэдээлэв.
Он гарсаар 2 дахь тохиолдол бүртгэгдэж байгаа нь энэ юм. Эдгээр тохиолдлууд нь бага насны хүүхдүүд байна.
Менингококкт халдвар бүх насныхан дунд бүртгэгддэг боловч 5 хүртэлх насны хүүхдүүд илүү өртөмхий, богино хугацаанд хүндрэх эрсдэлтэй байдаг.
Иймд эцэг, эх, асран хамгаалагчид хүүхдийнхээ дархлааг дэмжин, халдвараас сэргийлэх талаар өгч буй мэргэжлийн байгууллагын зөвлөмжийг мөрдөж, халдварын шинж тэмдэг илэрвэл нэн даруй эрүүл мэндийн байгууллагад хандахыг зөвлөж байна.
Менингококкт халдвар нь амьсгалын замын халдварт өвчин учраас бусад амьсгалын замын халдварт өвчнүүдийн адил урьдчилан сэргийлэх аргуудыг хэрэглэнэ. Үүнд:
• Гараа тогтмол угаах, хувийн ариун цэврийг сахих
• Өрөө, тасалгааг агааржуулах, чийгтэй цэвэрлэгээг тогтмол хийх
• Бага насны хүүхдүүдийг нэн шаардлагагүй бол олон нийтийн газраар авч явахгүй байх, олон хүн цугларсан газраар явахдаа амны хаалт зүүх
• Хоолой, амны хөндийг сод, царвангийн зэрэг уусмалаар зайлах
• Улиралд тохируулан дулаан хувцаслах
• Биеийн дархлааг сайжруулж витаминаар баялаг хоол хүнс хэрэглэх
• Өөрт тохирсон дасгал хөдөлгөөнийг тогтмол хийх.
Сэтгэгдэл (0)
Сэтгэгдэл бичигдээгүй байна