У.СҮРЭНЖАВ ҮНДЭСНИЙ ПАРАЛИМПЫН ХОРООНЫ 2024 ОНЫ ШИЛДГИЙН ШИЛДЭГ ТАМИРЧИН БОЛЖЭЭ

Монголын Үндэсний Паралимпын хороо  энэ долоо хоногт шилдэг тамирчид, дасгалжуулагчид, холбоодоо тодруулсан юм. 

Парис 2024 зуны Паралимпын наадамд манай тамирчид  нэг алтан медаль, гурван мөнгөн медаль авч, түүхэн амжилттай оролцон Монголын ард түмнээ баярлуулсан билээ. Мөн Дэлхийн аварга шалгаруулах тэмцээн, Дэлхийн цомын цуврал тэмцээн, Дэлхийн чансааны олон улсын тэмцээнүүдээс 22 алт, 19 мөнгө,  8 хүрэл, нийт 49 медаль хүртжээ.

Энэ оны Шилдгийн шилдэг тамирчнаар Монгол Улсын Хөдөлмөрийн баатар, Паралимпын наадмын Монгол Улсын анхны эмэгтэй аварга Уламбаярын Сүрэнжав тодорсон байна.

Мөн Шилдгийн шилдэг дасгалжуулагчааар  Монгол Улсын гавьяат дасгалжуулагч Наранчимэгийн Эрдэнэбаатар /Таеквондо/ шалгарчээ. 

Монголын Үндэсний Паралимпын хороо 2024 оны шилдгүүдийг танилцуулвал:

• Шилдэг Залуу тамирчин 2024 – Д.ЖИГМЭД /Пауэрлифтингийн Дэлхийн цомын тэмцээний аварга, Залуучуудын Ази тивийн рекорд шинэчлэн тогтоосон/
• Шилдэг Дасгалжуулагч 2024 – Д.БАТНАСАН /МУГД, ТАЕКВОНДО/
• Шилдэг Дасгалжуулагч 2024 – Д.БАТТУЛГА /МУГД, ПАУЭРЛИФТИНГ/
• Шилдэг Дасгалжуулагч 2024 – Д.МАХАШИРИ /МУГД, ХӨНГӨН АТЛЕТИК/
• Шилдэг Эмэгтэй тамирчин 2024 – Д.СЭЛЭНГЭЭ /ОУХМ, Парис 2024 Паралимпын наадмын Байт харвааны шагналт 4-р байр/
• Шилдэг Эрэгтэй Тамирчин 2024 – Э.СОДНОМПИЛЖЭЭ /Пауэрлифтингийн МУ-ын Хөдөлмөрийн баатар, МУ-ын гавъяат тамирчин/
• Шилдэг Эрэгтэй Тамирчин 2024 – Г.БОЛОР-ЭРДЭНЭ /Таеквондо, МУ-ын Гавъяат тамирчин/
• Шилдэг Эрэгтэй Тамирчин 2024 – Ц.БАТТУЛГА /Хөнгөн Атлетик, МУ-ын Гавъяат тамирчин/
• Шилдэг Холбоо 2024 – МОНГОЛЫН ПАРА ТАЕКВОНДОГИЙН ХОЛБОО
• МҮПХ-ны Ерөнхийлөгчийн Нэрэмжит Шагнал 2024 – Д.БАТЖАРГАЛ /МҮОНРТВ спортын сэтгүүлч, Паралимпын наадмуудад Монгол Улсын паралимпын багийн хэвлэлийн төлөөлөгчөөр ажилласан/

  

Түүнчлэн Паралимпын наадмын анхны эмэгтэй аварга У.СҮРЭНЖАВ, Паралимпын наадмын анхны багц медальтан Э.СОДНОМПИЛЖЭЭ нарын гаргасан Монгол Улсын спортын түүхэн амжилтуудтай жил болсон байна.