Түүний гоо үзэсгэлэн гүрж гаралтай ээжээс нь эхтэй. Харин авьяас, жүжиглэх чадвар нь яруу найрагч, хөгжмийн зохиолч, жүжигчин, дуучин аав Aлеκсандр Bертинскийгээс “өвлөгджээ.”
Анастасия их эрт, дөнгөж 15 настайгаасаа кинонд тоглож эхэлсэн. Түүний тэнгэрийн мэт ховор гоо үзэсгэлэн олныг бишрүүлж, Анастасия Зөвлөлтийн кино, театрын тод од болсон билээ.
Тэр жүжиг, кинонд маш олон том дүр бүтээсэн бөгөөд 1988 онд 40 гаруй насандаа ОХУ-ын ардын жүжигчин цолыг хүртсэн юм. Манай үзэгчид “Газар уснаа явагч”, “Нэргүй од” зэрэг кинонд бүтээсэн дүрийг нь сайн мэдэх байх. Жүжигчин бүсгүй өөртөө болон дүр сонгохдоо байнга өндөр шаардлага тавьдаг байсан, иймээс ч мэргэжлийн ажлаасаа харьцангуй эрт хөндийрсөн билээ. .
Вертинская залуусын дунд хүсэмжит бүсгүй басан нь мэдээж. Түүн шиг гоо үзэсгэлэнт бүсгүйг анзаарахгүй өнгөрөх хэцүү. Анастасиягийн анхны хайр нь Никита Михалков байв. Тэдний дундаас Степан хүү нь төрсөн. Харасалта нь алдарт хосын гэр бүлийн амьдрал ердөө таван жил л үргэлжилсан юм. Нөхөр нь түүнийг гэрийн эзэгтэй байлгахыг хүсэж байсан ч Анастасия хөгжиж, дэвшиж, амжилтад хүрэхиг эрмэлзэж байлаа.
Анастасия Олег Ефремов, Александр Градский нартай удаан хугацаанд хайр сэтгэлийн харилцаатай байсан ч бүтэлтэй зүйл болоогүй юм. Жүжигчин бүсгүй өөрийн залуу нас, гоо үзэсгэлэнгээ хадгалахыг хүсэж, гоо сайхны мэс засалд орсон нь тийм ч сайн үр дүн үзүүлээгүй, түүнээс өмнөх гоо үзэсгэлэнг нь олж харахад хэцүү болжээ.
Оросын киноны од болсон Анастасия өдгөө ач нараараа хүрээлүүлэн аз жаргалтай амьдардаг.
Сэтгэгдэл (0)
Сэтгэгдэл бичигдээгүй байна