Хүчирхэг, үлэмж биет эрчүүдийн нэгд тооцогддог Дуэйн Жонсон сэтгэл гутралд орж, түүнээсээ гарах гэж зовж шаналж байснаа дурдаад, сэтгэлийн тамд найз нөхөд тань унасан байж магадгүй тул байнга ярьж байхыг зөвлөсөн байна.
“Хүн бүр өөрт орших чөтгөртэйгээ тэмцэж байдаг. Ихэнх нь энэ тухайгаа нээж ярьдаггүй. Олон хүний амьдрал, өөрийнхөө туулж өнгөрүүлсэн дээр тулгуурлаад хэлэхэд, энэ талаар ярих хүн үнэхээр цөөн байдаг юм билээ.
Тиймээс би найзууд руугаа ярихдаа “Хөөе, юу болов оо?” гэдэггүй. Харин “Чиний санаа сэтгэл ямар байна? Юу бодож байна?” гэж асуудаг болсон. Ингэж асуухаар хүмүүс юу гэж хэлдгийг та нар сонсоод гайхна даа.
Сэтгэл гутралтай тэмцэх хичнээн хэцүү байдгийг би мэднэ. Би өөрөө гутралд ороод, доошоо маш гүнзгий гулгаж унаж үзсэн хүн. Би тэр тамд байж үзсэн. Тэгэхээр би танд гэж зөвлөхөд найз нөхөд рүүгээ ярьж байгаарай. Та залгаагүй өнгөрснөөр юу ч болж мэдэх юм шүү. Олон жилийн хугацаанд миний олон найз сэтгэл гутрал, амьдралын их дарамт ачаан дарамтаас гарч чадалгүй нас барж байлаа. Сэтгэлийн тамаас гарч чадалгүй байсаар өөрийгөө дуусгаж байлаа” хэмээн 52 настай Дуэйн Жонсон өгүүлсэн байна.
Сэтгэгдэл (0)
Сэтгэгдэл бичигдээгүй байна