Орон нутгийн сонгуулийн сурталчилгаа өнөөдөр дуусна. УИХ-аар нэр дэвшиж буй цөөн хүнээ бараг заримыг нь мэдэх ч үгүй өнгөрдөг манай ард түмэн нийслэл, дүүргийн сонгуульд бүр ч хойрго байдаг. Гэтэл хот өөрөө маш том айл, түүний төлөөлөгчид л бидний амьдралтай холбоотой олон асуудлыг шийдэж байдаг билээ.
Гэхдээ ингэж бичиж буй миний хувьд ч сонин сэтгүүл нь орж ирсэн цөөн нэр дэвшигч, гэрийн ойролцоох самбар дээрхээс заримынх нь зургийг харснаас биш бүгдийг нь нарийн судалж амжсангүй. Энэ сонгуулийн хамгийн зөв тактик хаалга тогшилт байв уу гэж бодогдов.
Хаалгыг минь тогшсон бүсгүйг Төмөр-Очирын Булганмаа гэдэг. ХҮН намаас Сүхбаатар дүүргийн нэгдүгээр хороонд нэр дэвшиж байгаа. Нэр дэвшигч өөрөө хаалга тогшсон хойно яаж зүгээр байх вэ, гэрэлтүүлэг зам гээд л хэдэн үг хэлсэн. Уриалгахан сонсож авна лээ.
Өндөр хөгжилтэй орон Шведэд арваад жил амьдарсан, БНХАУ-ын Ухань хотод боловсрол эзэмшсэн, тал талын туршлагатай сүрхий бүсгүй шиг билээ, танилцуулгаас харахад...
Бас сонгуулийн үеэр гудамжинд нэрийн хуудас тараагаад зогсож байснаа дараа нь эрс өөрчлөгддөг нэр дэвшигчдээс арай л өөр шинэ цагийн залуусын нэг шиг санагдсан.
Тэр цахим хуудастаа дүүрэгт тулгамдаж буй асуудлыг өдөр бүр оруулж, хог хаягдал, сургууль, цэцэрлэгийн орчин, явган хүний замын стандартгүй байдал, тусгай хэрэгцээт иргэдэд юу хэрэгтэй байгаа, нийтийн эзэмшлийн талбайн гэрэлтүүлэг хангалтгүй байгаа, ногоон байгууламж гээд яг л анхаарал татсан зүйлсийн талаар хөндсөн байсан нь бас олзуурхам. Хаалга тогшсон нэр дэвшигч Т.Булганмаадаа саналаа өгнө өө.
Хүмүүс ч бас нүүр тулсан хүндээ саналаа өгнө гэцгээж байна лээ.
Нэр дэвшигчдийн хамгийн оноо авсан сурталчилгаа мөлхөө буюу өөрөө явж иргэдтэй уулзах л байлаа гэж дүгнэсэн, энэ удаад.
Сэтгэгдэл (0)
Сэтгэгдэл бичигдээгүй байна