"Мисс Интернэйшнл" тэмцээнд Монгол Улсаа төлөөлөн оролфсон Цэгмидийн Баярчимэгийн өөрийгөө танилцуулахдаа "Говьсүмбэр Монголиа" гэж хэлсэн бичлэг олон нийтийн сүлжээнд тархаж, шүүмжлэл хүлээгээд байгаа. Тэгвэл Ц.Баярчимэг өөрийн цахим хуудсаараа дамжуулан энэ талаар бичсэн байна.
Ц.Баярчимэг "Дэлхийн том 3 тэмцээний нэг болох 63 дахь удаагийн “Мисс Интернэйшнл” тэмцээнд маань нийт 80 орны миссүүд оролцсон билээ. Энэ оны 7 сард үндэсний гоо бүсгүй шалгаруулах “Мисс Монголиа” тэмцээндээ түрүүлж “Монголын Тэргүүн Мисс” гэх эрхэм хүндтэй цолны эзэн болж, Монголоос 21 дэх удаагаа эх орноо төлөөлөн амжилттай оролцсон.
Энэ жилийн “Мисс Интернэйшнл” тэмцээний маань онцлог:
Анх удаа нээлтийн хэсэгт Эх орныхоо нэр, Төрсөн нутаг, Овог нэрээ дуудах ёстой болсон. Тиймээс би Говьсүмбэр Монголиа гэж хэлсэн билээ. Ганцхан би биш, бүх орны миссүүд өөрийн төрсөн газар, орноо дуудсан юм.
Тайзан дээр нээлтийн хэсэгт үзэгчид орон орныхоо туг далбааг өргөж, миссээ дэмжиж байсан. Хүний нутагт дэмжих хэн ч байхгүй ганцаараа гэхээр бас эх орныхоо нэрийг дуудахдаа алдчих вий, дутаачих вий гэж айж л байсан. Дэлхийн том тайзан дээр эх орныхоо нэрийг дуудахад өөрийн эрхгүй самсаа шархирч нүдэнд нулимс цийлэгнэж, монгол хүн гэдгээрээ омогшиж бахархаж байсан. Хилийн дээс алхсанаас хойш зөвхөн Баярчимэг биш, би Монголыг төлөөлж оролцож байгаа шүү, надаар л энэ хүмүүс Монголыг төсөөлнө гэж бүхий л хүчээ дайчлан оролцсон. Тэмцээнд оролцсон маань хэн нэгний нөлөө биш, цэвэр миний хүч хөдөлмөр байсан шүү.
Худал мэдээлэл тарааж, тодорхой ойлголтгүй байж хүнийг харлуулахгүй байхыг хүсье. Энэ хүртэл дэмжсэн ойлгосон, хайрласан бүх хүмүүстээ баярлалаа.
Монголын 2025 оны Мисс Цэгмидийн Баярчимэг" гэжээ.
Сэтгэгдэл (1)