"MISS EARTH-2024" тэмцээнд Монгол Улсаа төлөөлөн оролцож буй мисс Пүрэвжалын Цэлмэг олон нийтийн цахим санал асуулгаар тавд бичигдэж байна. Тэмцээний албан ёсны хуудаст Монголын миссийн энэ амжилтыг онцлон бичсэн байна.
Дэлхийн 80 гаруй орны гоо бүсгүйчүүд өрсөлдөх "MISS EART 2024" тэмцээний ялагч 2024 оны 11 дүгээр сарын 9-ний өдөр тодорно. Олон нийтийн санал асуулгаар 1-т бичигдсэн оролцогч тэмцээний финалын шатанд өрсөлдөх 20 миссийн тоонд шууд шалгарах юм. Та бүхэн Монголын мисстээ санал өгмөөр байвал missearth2024.1voting.com дараах линкээр хандах боломжтой.
П.Цэлмэг нь шүдний эмч мэргэжилтэй, АШУҮИС-д нүүр ам судлал чиглэлээр магистрт суралцдаг, Andra Academy-ийн бүжгийн багш, англи хэлтэй аяллын хөтөч тайлбарлагч юм. Тэрбээр сагсан бөмбөгийн нэгдүгээр зэрэгтэй, "Авьяаслаг Монголчууд" шоу нэвтрүүлгийн шилдэг 32 оролцогчийн нэг “Hobby dance” бүжгийн хамтлагийн ахлагч, Нobby rotaract клубын төслийн хорооны даргаар ажиллаж байсан юм.
Сэтгэгдэл (28)