Унгар Улсын Будапешт хотноо есдүгээр сарын 17-23 хооронд зохион байгуулагдаж буй 95 дахь удаагийн ФИДЕ Конгресс буюу Олон Улсын Шатрын Холбооны Их хуралд Монголын Шатрын Холбоог төлөөлж ФИДЕ делегат, Их мастер А.Энхтуул оролцож байна.
Өчигдөр болсон Ази тивийн асуудлуудыг хэлэлцэх хуралдаанаас Монгол Улсын нийслэл Улаанбаатар хотноо “СУРАГЧДЫН АЗИ ТИВИЙН АВАРГА ШАЛГАРУУЛАХ ТЭМЦЭЭН” -ийг 2025 оны 8 дугаар сарын 15-25 хооронд зохион байгуулах эрхийг манай холбоонд олгожээ.
Түүнчлэн 2025 оны сарын 5 дугаар 1-10-ны өдрүүдэд Улаанбаатар хотноо “АЗИЙН 3.3 БҮСИЙН АВАРГА ШАЛГАРУУЛАХ ТЭМЦЭЭН” -ийг зохион байгуулахыг ФИДЕ-гээр эцэслэн баталгаажуулж чадсан байна. Энэхүү тэмцээн нь мэргэжлийн шатарчдын хувьд өндөр ач холбогдолтой бөгөөд “Дэлхийн Цом” АШТ-нд оролцох эрх олгодгоороо онцлог давуу талтай аж.
Сэтгэгдэл (0)
Сэтгэгдэл бичигдээгүй байна