Унгар Улсын Будапешт хотноо 2024 оны есдүгээр сарын 10-23-ны өдрүүдэд зохиогдож буй Дэлхийн Шатрын 45 дахь Олимпиадад Монгол Улсын эмэгтэй шигшээ баг дөрөвдүгээр өрөгтөө амлагдан тоглосон Испани улсын шигшээ багийг 2.5:1.5 харьцаагаар хожжээ.
Ингэснээр манай эмэгтэй шигшээ баг Гватемал, Монако, Перу, Испани улсын багуудыг хожиж, 4 дараалан ялалт байгуулав.
Тавдугаар өрөгт манай баг АНУ-ын хүчтэй багтай оноолт тааран эхний ТОП 4-р ширээнд тоглох мөчийг өнөөдөр Монголын цагаар 21:00-с шууд хүлээн авч үзэх боломжтой. Өмнө нь 2022 оны 44 дэх олимпиадад манай эмэгтэй баг АНУ-ын шигшээг 3:1 харьцаагаар хожиж байсан билээ.
Шууд дамжуулалтын линк: https://www.chess.com/.../2024-fide-womens-chess.../games
Харин Монгол Улсын эрэгтэй шигшээ баг дөрөвдүгээр өрөгтөө дэлхийн топ их мастераар ахлуулсан, супер Их мастеруудаар бүрдсэн ХБНГУ-ын шигшээ багт 0.5:3.5 харьцаагаар ялагджээ.
Монгол Улсын залуу аварга, IM М.Амилал нэр төрийн тэнцээ хийж, багтаа хагас оноо авчирсан байна.
Тавдугаар өрөгт манай баг Судан Улсын шигшээг амлан авч оноолт таарчээ.
Өнөөдрийн өргийг Монголын цагаар 21:00-с шууд хүлээн авч үзэх боломжтой.
Шууд дамжуулалтын линк : https://www.chess.com/.../2024-fide-chess-olympiad.../games
Сэтгэгдэл (0)
Сэтгэгдэл бичигдээгүй байна