Парисын зуны олимпын наадмын чөлөөт бөхийн эмэгтэйчүүдийн 50 кг-ын жинд Дэлхийн хошой мөнгөн медальт Долгоржавын Отгонжаргал барилдаж, тавдугаар байр эзэллээ.
Үүний дараагаар Монгол Улсын гавъяат тамирчин О.Насанбурмаа тамирчин дүүгээ өмгөөлөн сошиал хаягтаа бичсэн пост тарсаар байна. Тухайн постод “Отгоо дүү минь 1 өвдөгнийх нь чагтан холбоос тасарсан, нөгөө авдөг нь менескны урагдалтай байгаа, 2,3 жил хөлөө чирээд л эмчилгээ хийлгэж, байнгын үе мөч чангалах дасгал хийж, аргацаасаар энэ Олимпыг зорьсон. Даанч санасандаа хүрсэнгүй ээ.
Одоо ирээд хамгийн түрүүнд хагалгаа хийлгэх хэрэгтэй!!! Ядахдаа эрүүл байх чухал байна! Дэлхийн 3 медальтай тамирчин өнөөдрийг хүртэл өөрийн гэсэн орох оронгүй л явж байна энэ тал дээр анхаармаар юм!!!” гэх мэтээр О.Насанбурмаа тамирчин дүүгийнхээ талаар бичсэн.
Тэгвэл энэ жилийн наадмаар түрүүлж, дархан аварга цол хүртсэн Намсрайжавын Батсуурь сүүлийн гурван ДАШТ-ээс медальтай ирээд буй Д.Отгонжаргалд хоёр өрөө байр бэлэглэхээр шийдсэн тухайгаа сошиал хаягаараа зарлалаа. “Олон улсад чөлөөт бөхөөр улсынхаа нэрийг өндөрт өргөж яваа Д.Отгонжаргал дүүдээ 2 өрөө байр бэлэглэж байна. Дархан аварга Н.Батсуурь” хэмээн тэрбээр бичжээ.
Сэтгэгдэл (0)
Сэтгэгдэл бичигдээгүй байна