ЦЭРЭГ ТАТЛАГА ӨНӨӨДӨР ЭХЭЛЛЭЭ

Нийслэлийн 2024 оны II ээлжийн цэрэг татлага өнөөдөр /2024.10.18/ эхэллээ. 

Аравдугаар сарын 18-20-ны өдрүүдэд зохион байгуулагдах цэрэг татлагын үеэр залуусыг дүүргүүдийн эрүүл мэндийн нэгдсэн үзлэгийн дараагаар шууд цэргийн ангид хүргэх аж. Өмнө нь  цэргийн төв дамжин дээр давтан үзэж дахин онош тавьдаг байсныг энэ удаад өөрчилжээ.  

Мөн хугацаат цэргийн албан хаагчдыг алба хаах хугацаанд нь боловсролтой болгох гэсэн томоохон зорилт тавьж англи хэл, компьютерын мэдлэгийг дээшлүүлэх зарим хичээлийг хөтөлбөртөө тусгаад байгаа гэнэ. 

Нийслэлийн есөн дүүрэг дэх цэрэг татлагын байрууд:

• Баянгол дүүрэгт 96 дугаар сургууль
• Баянзүрх дүүрэгт 14 дүгээр сургууль
• Сонгинохайрхан дүүрэгт 83 дугаар сургууль
• Хан-Уул дүүрэгт 34 дүгээр сургууль
• Чингэлтэй дүүрэгт 5 дугаар сургууль
• Сүхбаатар дүүрэгт 3 дугаар сургууль
• Багануур дүүрэг Гүн галуутай цогцолбор сургууль
• Налайх дүүрэг Политехник коллеж
• Багахангай дүүрэг Хангай цогцолбор сургууль дээр тус тус цэрэг татлагыг зохион байгуулна.