АНУ-ын Олимпын шигшээ багийг Парист очоод түрүүлнэ гэдэгт олон хүн эргэлзэхгүй байгаа биз ээ. Гэвч тус шигшээгийн төвийн тоглогч Жоэль Эмбиид багийнхан нь өмнөхөөсөө хөгширсөн гэдгийг сануулан хэлсэн байна.
“АНУ-ын шигшээ багт хичнээн олон авъяастнууд байгааг та бүхэн харж л байгаа. Гэхдээ өөр улсын шигшээ багуудад ч гэсэн авъяастнууд бий.
Та бүхэн нэг зүйлийг ойлгох хэрэгтэй. АНУ-ын шигшээ багийн энэ авъяаслаг тоглогчид хөгширсөн шүү. Леброн л гэхэд өмнөх Леброн биш болсон. Хэдэн жилийн өмнөхтэйгээ адил биш. Тиймээс үүн дээр анхаарах хэрэгтэй байх.
Хэдэн жилийн өмнө атлетик чанараараа түрэмгийлэгч байсан Леброныг өнөөгийнхтэй харьцуулахад өөр гэдгийг бүгдээрээ л хэлнэ. Цаасан дээрх нэрээр бусдыг хуураад байна гэж зарим хүмүүс хэлж байна лээ. Энэ нэрсийг тэд замналаараа бий болгож, тодоор тэмдэглүүлсэн юм. Гэхдээ тэд хөгширч байгаа. Өмнөх шигээ биш болсон” хэмээн Эмбиид өгүүлжээ.
Сэтгэгдэл (0)
Сэтгэгдэл бичигдээгүй байна