Сүүлийн үед “Миннесота”-гийн лидер Энтони Эдвардсыг домогт Майкл Жордантай харьцуулах нь их болсон. Тоглолтын арга барил ижил төстэй байгаа тул ийм яриа үүссэн. Энэ сэдвээр Чарльз Барклигаас асуухад ийм хариулт өгчээ. Тэр залхсан бололтой.
“Америкчууд минь ээ, Энтони Эдвардсыг Майкл Жордантай харьцуулаад буй наад эцэс төгсгөлгүй яриагаа одоо боль. Энэ залуу плей-оффт бахтай сайн тоглож байна. Үнэхээр сайн тоглогч, сайхан ч залуу юм. Би энэ залууг тайван сайхан тоглоосой гэж хүсч байна” хэмээн Чарльз Баркли өгүүлжээ.
Энэ үгийг хэлмэгц нь Шакил О`Нил түүнээс “Эдвардсыг Жорданд дөхөж очлоо гэж хэлж болох уу?” гэхэд “Мэдээж, тэгж хэлж болно. Юу? дөхөж очсон? Яаж дөхсөн юм бэ? Яахав төстэй нь гэвэл хоёулаа хар юм. Тэрнээс дөхөөгүй ээ” гэжээ.
Тэгтэл Шак дахин үг нэмж “Үгүй ээ, Жорданы 23 насны үеийн түвшинтэй ер нь дөхүү байна уу?” гэж лавлав. Баркли “Надад Энтони Эдвардс таалагдаж байна. Одоо ийм юм ярихаа больё, тэгэх үү?” гэлээ.
Кенни Смит ярианд оролцож “Хэрвээ бие хаа, тоглолтын арга барил гээд ярих юм бол Энтони Эдвардс надад Жорданыг биш Дуэйн Уэйдийг илүү санагдуулж байгаа. Уэйд багаа плей-оффт яаж чирдэг байлаа. Яг тэр үеийн шиг” гэжээ.
Сэтгэгдэл (0)
Сэтгэгдэл бичигдээгүй байна